等....................??

可能......我的單身生活要告一段落啦, 唔好誤會, 我連拖都未拍, 何來結婚呀....咪玩啦, 講緊其實都係我同我爸, 由於我爸話香港的空氣仲好過大陸, 所以黎緊的日子可能會係香港多過大陸吧

之前成個月冇update個blog, 唔係我唔想update, 而係忙得太緊要, 冇時間先真, 講返呢個月發生的啦, 先係我同我妹從醫生口中得知, 我爸的情況並唔樂觀, 可能半年,甚至更早就要"走", 得到呢個訊息後, 我地都唔知點樣我爸講先好,如果直接同佢講, 又驚佢頂唔住而一缺不振, 講真醫生口中的"半年", 只不過係一種唔100%肯定的數據, 就算同一樣的病, 出現在唔同人身上, 情況都可能唔同

依加我同我妹選擇賭一舖, 我地將半年拉長成一至兩年黎講, 希望佢易d接受, 不過我地其實心裡有數, 如果半年都仲ok, 對於我地黎講已經係bonus, 如果過到一至兩年, 甚至更遠, 就當然更加好啦, 不過依加一切都係未知之數, 一切都只有等,
(等...奇蹟, 等......time up)

其實我地三人都發覺覆診見醫生時, 醫生講野都開始冇之前咁肯定, 而我同我妹甚至認為醫生有開始想"收手/放棄"的可能, 所以為左比個希望我爸, 我地已經開始漫漫轉用中醫