28 May 2007 咁就一歲喇

boyboy初初番嚟時，真係激到嘔，仲諗幾時先得嚟大個呀…眨吓眼，又話一歲仔喇。

我同麻豬都請咗假，帶兩個小朋友去游水水。一早，個天氣好好，我就拿拿聲去中環攞之前喺丁茶媽度訂o既蛋糕，點知番嚟時落大雨。

入到去petworld都兩點幾，有幾隻狗狗，冇幾耐就走哂喇…仲唔包場！麻豬好想見吓dickoo，但原來佢番咗屋企，緣慳一面o忝。放bebe落泳池，嘩，原來佢游水好叻o架！！個姿勢好靚，條尾巴喺水面擺吓擺吓，好得意呀！細佬當然係玩得好開心啦，不過游咗兩個鐘度，就要同兩位小朋友沖涼lu。

call咗的士，諗住去3號幹線餐廳食飯…咦，點解搭咁耐車都未到o既…原來，佢執咗喇！！司機叔叔仲話上星期仲見到開哂燈o架喎！點解唔等埋我哋呀！

冇計啦，去咗八鄉上村o既金疊餐廳，嘩，$138任點任食，啲嘢食好多選擇，味道都唔錯，最重要，係可以帶埋小朋友去嘛！佢哋兩個攰到咩咁，以前食親嘢都搞事o既務實，都幾乖，冇乜點嘈﹙除咗我行開咗去攞嘢食啦﹚，果然係大個咗喎！

番到屋企，兩個人都暈咗，冇食到飯﹙真係慘，生日仲要fasting﹚，等我哋仲買咗隻黑草羊脾俾務實做生日禮物o忝。個蛋糕唯有等第二日做早餐啦！