零八我選我最愛的粵語流行曲

     零八年都到頭啦，今年其實諗落，唔開心嘅占咗大多數，而且真係會好唔開心，舊年可能已經好差，今年點知重差，年尾睇返，全年全個hk樂壇得嗰90＋－張專輯，其實都感覺唏噓。點都好，好歌依然有，雖然數量上縮咗水，但係質量都有一向嘅水平，甚至超水平。

     聽Canto Pop之後，一直都有揀自己十大嘅習慣，一直都揀啲冇plug嘅歌，因為好想話俾啲唔聽Canto Pop嘅人知，其實Canto Pop唔係得情歌，不過我清楚如果唔聽嘅始終唔會理解，就好似我唔聽Manto Pop一樣，係一個道理。

     今年除咗揀十大，重揀咗大碟同新人。

    

 

零八我的十大（十大排名，不分先後）

 

    如果唔揀呢首就有好多其他可以揀，colleen的《愛麗絲》、Eva的《黑眼圈》、Kelvin的《水母》、Justin的《中環》都其實可以入選，大名單中選呢首，或多或少因為黃鎧晴這個新人我自己很喜歡，從《女子中學》中聽到的一種感覺，很單薄的純。

    如果唔需要理由就有十大，我覺得呢個係唔需要理由的，有理由都咪因為係Fiona。《一個人一支燈》其實我更加想揀，因為更加少眾，更加好玩。

    掙扎咗一陣，選呢首定係《不吐不快》，無論如何，澤日生的曲真係好神奇，句子可以長得要了填詞人的命。但最後時刻翻聽，心裡又好似有把聲音講話要揀《夜宴》，夕爺當然將一場飯局演繹得精彩絕倫，連檯布都冇嘥到，淋漓盡致，又到肉，甚至核凸嘅蒼蠅都出現。但準我好行咁講，呢首歌詞好生動。

查理淑儀 Hocc 填詞︰黃偉文
    呢張專輯，都有幾首大好，《風見志郎》，作為Kamen Rider的大fan，絕對要支持啦；《美空雲雀》、《堂吉柯德》都好正。至於《查理淑儀》，聽moov live的時候，只有“lalala”，已經被曲感動到，加埋歌詞，講咗世界上一樣好難做到嘅事，亦舒話“一段婚姻的壽命不過三兩年光景”，查理同淑儀話唔係，好勇嘅感覺。

    喜歡的原因，竟然是因為黃偉文今年報道巴黎時裝週的時候，用了一個題目“寒命人”。我本身是熱命的，在夏天出生。但卻從歌詞中看到我的寒命底，所謂生不對時，我本來應該是寒命的，熱情從來都不屬我。

    年度大碟第一位，全部歌曲都入選我個人十大，包括年初的〔words of slience〕的全部歌曲，其實都係今年摯愛。歌詞好玩，《假使不可一起安息》其實都算係一種老套觀點，情願伴侶比自己死先，為的是不想伴侶在孤單一人在世上感到無助，也算是愛得深。

    我愛表舅母，人靚聲甜，衷心希望她不要再漏氣，身體健康。back to dis song，黃偉文寫得有幾真我唔敢講得太絕對，不過我有feel到畫面，畫面感好強烈，加埋eric kwok的曲，一種hk感自然而然湧現，郭羨妮同阿曼尼都係好話題嚟嘅。同舊年嘅坐下來談論亦舒，電視24劇情一樣可愛。

    林夕，清華講座度講，Miriam致電說感到自己沒有方向，林夕說“我寫首詞俾你”，就是《一葉舟》。讀過呢首歌詞，我再次為我淺薄嘅文學修為感到汗顏。

    〔23〕未出街，聽《健康教育》，好開心，陳少琪拿捏得恰到好處，用咗好多好生活嘅鏡頭去描寫一個人嘅心態，不過愛情同讀書真係唔同，從無書本指引，導致錯誤愛人，愛上那個怪人，有十二面相，點算？無奈這飄忽眼神，才叫我心跳。人就是這樣犯賤。

   
悲劇女孩 Theresa 填詞︰林若寧

    Theresa點？靚女囉。睇返以前九餅時代的Theresa又點？都靚啦，不過唔日系。悲劇女孩，我估係Demo度已經用Sarah嚟開始，林若寧先生應該冇轉，都成為一個亮點。絕情慘情程度絲毫不比夕爺童年遜色。聽到戀愛都動魄驚心的人，真的會給鍛煉成勇者？第二段，林若寧話都有人愛Sarah，只是Sarah有別的牽掛。然後Sarah要放開懷抱，要虔誠被吻，得到幸福。林先生說悲劇故事太多，都不過短短風吹雨打，抓緊快樂才是最重要的。如果連場暴雨，又點算？撐起傘，擋住。其實有冇諗過，愛一個錯一個，悲劇接續發生，自己其實係最錯嗰個呢。

 

年度最愛大碟
1st Juno 〔Why〕
  呢個，聽到我顛咗，一定第一，當然有年頭嗰張〔words of slience〕嘅原因。

 

2nd Hocc 〔Ten Days In The Madhouse〕
  概念，對我嚟講，好重要，意念，對我嚟講，都好重要。

 

3rd Stephanie 〔23〕
  好歌，好少咁多寫得好嘅快歌，好少咁多唱得好嘅快歌。

 

4th Fiona 〔Smile〕
  My choice X。

 

5th Kary 〔Lady K-Transformation〕
  唱功真係好，而且最重要係，方杰先生喺呢張專輯裡面，填咗好多詞，而且填得好正，好入骨。then 陳詩慧都有寫一首詞，《貪新厭舊》，excellent﹗除咗封面，乜都得。

年度最關注新人
Eva 陳詩慧
  關注咗太多，太耐，冇諗過會有成為歌手嘅一日，不過仍然很高興，專輯的水準很高。

Cherry 黃鎧晴
  同揀《素顏》嘅原因一樣，希望唔好似啊邊個梁雨恩咁，第二年唔見咗。