無論乜波嘜波大波細波陸地波水波，可能9號都並非主力球員。
從1到10，Top10，9都係排尾二，排到9號又會有幾開心。
中文9，九，玖，同“久”和“救”均同音，意義都積極向上，但願人長久，可惜呢個世界根本冇長長久久呢樣嘢，什麼最終都幻化世間微塵。還有一條已經out曬date嘅爛gag，啲賊最驚乜狗？999。呢個報警冧巴，細個時聽得多，入曬血，比嗰個110要長久（話時話“110”係咪抄日本嘅呢？）
日文9就冇咁好彩啦，有兩個讀音，其中“ku”同“苦”同音，人人都避開佢，做9號都咪話唔苦。
P.S. 粵語裡，9同“狗”都同音，喺華人的世界，狗，同賤掛鉤居多，狗咬狗，裝假狗，幾時都唔係你嘅loyal friend，佢，走狗一條。另外，再讀歪少少，分分鐘變咗粗口，成為特首粗口疑雲。
初見9號
按先後順序，我應該係先聽到陳老師嘅《Number Nine》，由eric kwok作曲，填詞當然係Wyman。歌詞大概講，入到你個流行榜十甲，我都心甘命抵啦，認真無謂爭做第一。之後又因為睇Wyman本《潮騷》，又搵返呢首歌嚟聽。認真入到十大已經印証咗你嘅勤奮，做第一，都要講多少運氣。
《潮騷》裡面篇文章，主要係講9號仔個東京總壇隱藏喺ebisu惠比壽嘅民宅之中，開頭連個大門都同隔離一樣，後尾裝修過先分到。重有一個重要嘅知識，日本啲街，二丁目隔離條未必係三丁目，可能係其他數字。篇文章重介紹咗兩件半件衫，月頭月尾各出半件，合埋先係一件，幾得意。
遇見9號
排第九，但未必係平價貨，一樣同No.1賣咁貴架。9號仔夠曬靚，都夠曬貴囉，啲黑、啲爛、啲怪雞，我全部都負擔不起。所以連佢喺I.T定D-mop，抑或連卡佛，又或Joyce呢，我都唔知。至於水貨舗？我都唔敢細望，揀完Hare，HP就速閃人啦。就係咁，見9號仔不嬲都係喺雜誌、網上同電視節目度。
直至舊年，廣州開咗棟新嘅商場，竟然俾我喺間Max度撞到9號仔﹗Actually重係嗰半件衫，紅色，我摸咗下，自問都買唔起，於是速撇，之後無無聊又去瞻仰過兩次。終於捱到香港書展，喺日本雜誌賣場，俾我見到有《Heart》呢本雜誌賣，附贈品係Number (N)ine嘅tote bag，重print埋佢個經典“淚心”圖案，點忍到手啊，即鎊水，好彩平平地，一舊水都唔使，我就有咗人生第一個Number (N)ine啦。雖然唔係主線，唔係乜產品，但我天天（子貝）喔，當正佢9號仔真產品咁（子貝），幾虛榮。
今年喺Artist Tree等Vivienne個展開門嗰陣，都見到有個靚仔，著住對Number (N)ine x Converse Jack Purecell，行嚟行去，都冇話唔勾引架。
再見9號
居然結業﹗？宮下裕貴去信各大boutique，宣佈今年09年，秋冬季將會係9號仔嘅final season，聽者心有戚戚然。想當年，病魔都未奪去佢條命，而家一個金融海嘯嘅浪頭就搞到佢翻船，沉埋。MMJ同NHBD會唔會唇亡齒寒啊？
12年就咁冇咗，我十二年前啱好9歲轉10歲，講起都唏噓。
如果佢係中國牌子，唔通就可以長久，係日本嘢就註定條路係苦嘅？
復活9號
你話9號折埋，會唔會係一場陰謀，其實暗中已經有一個新project呢，定係一個新brand就嚟誕生呢？抑或宮下先生會學TVB嚟一次Laughing復活呢？哦，9號復活先啱。
kaccessory11-wholesale 2009-04-18 20:16
~飾品批發,少量可批,有圖可用~28
http://www.board.idv.tw/
kyd@RT2009-04-19 00:48