舊時的回憶~

近來整理自己既事與物, 執埋執埋找返好耐以前既事件,
人地話人到中年特別喜歡回想過去,
死啦, 我未老先衰,
相, 玩具, 書本, 信件, 禮物, 一d以前手寫既日誌, 一d發傻時所寫既廢話,
弟弟細過既相, 自己真正第一份糧買比自己既禮物-md機, 還有很多零碎東西,
舊事重令人回味兒時的天真, 與...戇居~
心中的事要整理多年的回憶己不是個味兒, 更何況要收拾豆腐般的家居裏的雜物..
過去左由佢過去,  口是這様說,但卻做不出, 但要將我過去的東西拋丟....唔好啦~
這種瀟灑我不要也擺~
我唔記得由幾時開始收集票尾, 間中收拾房間時一看, 我都為香港票房出一份力呢.....
每一套我都記得和誰人睇, 有埋票尾還可以清楚記得邊年邊月邊日, 但歲月不留人, 有些票尾都變黃了,
有些發白日夢時所寫的心境不見了, 都只怪自己打理得不好.....
望望望, 我突然8掛地想知下其他人的懷舊故事tim...

每個人都有不同的過去, 每一都有屬於自己的故事,
每件事與物都代表左過去的自己, 不知他人的故事又是怎様呢?
朋友們呀~
你們有無收埋d咩係自己家中家??
我地交換回憶呀, 話點近來大家都講集體回憶......