初次坐車車之…『愁樣』

初次坐車車之…『愁樣』

我POOH媽成日問我做乜眉頭深鎖，佢話女仔人家咁樣唔好睇！成日幫我整鬆佢…

呢期我屋企多咗個『忍者』(呢個名稱係pooh爸見到pooh媽時講既！pooh爸永遠係我心目中既英雄，永遠向高難度挑戰，不怕死！)，就係我POOH媽？點解？因為我家樓下『好鄰居』晚晚彈琴彈到11:45(好勁！佢兩老記得！)，攪到我POOH媽晚晚趴o係地下，確定佢真係嘈就打落管理處投訴，前後已投訴三次，話雖佢已早咗收工『11:15』，但POOH媽最不滿的是『好鄰居』同管理員講：【我小朋友比賽呀！】

POOH媽唔知仲好，佢一聽到就話：【大哂呀？叫個小朋友睇少D『宮心計』啦！早D練啦！】

POOH爸靜靜話我知，原來POOH媽仲走去打去環保署問，話如果咁既CASE叫對方俾意見可點做，個姐姐都好好人，因為POOH媽一路以為噪音限制係由晚上十一點至早上七點，原來樂器唔係架喎！如果二十四小時，任何時間令人覺得係騷擾，你都可打去附近警署求助『記住：唔係打去"狗狗狗"熱線』，再由警員判決係唔係噪音，話雖POOH媽都知警員通常都係話大家係樓上樓下，一人少句，但佢話如果條友咁老土，俾咗咁多次機會佢都係咁既話就無面俾架啦！