3月5日(預產期後一日)

今日(3月5日),過了預產期2日啦!! 今日到醫院覆診,醫生話若果下星期二(3月11日)都無自己作動的話,便要入院做催生. 我聽到後,心一沉,看到那張介紹催生過程(…又要放藥使子宮變薄,順利的話便剌穿水囊,再吊催生藥, 想起好會似好痛,好恐怖咁….)的單張時, 我越來越唔開心,膽心和怕得哭起來….. 真的好驚呀!! 平日做婦檢,要放進工具抽取樣本或檢查,我已覺很不舒服,十分緊張和怕 . 見完醫生後,我需要做半小時bb心跳檢查, 我便向那個幫我駁儀器的姑娘問有關催生過程,可能佢見我眼濕濕,佢好有耐性的向我講解並安慰我一翻. 最後幸好報告正常而不需留院.

原本因此事好唔開心,甚至不想聽電話. 好彩今日一波爸爸請了半日假同我去檢查,有佢在旁使我心定d,加上佢呆車車的和我說些無聊話,使我很快便輕鬆過來並笑翻 . 因為心情唔好,原本好想叫一波爸爸下午都請假陪我,但知佢近日公司很忙,所以怕阻佢做野而無說出口了. 不過因為完成檢查和得報告後已差不多2點和一波爸爸有d頭痛,所以最後佢都係再請下午假(心想…真好了!)

~~~~多謝一波爸爸 今日一直在旁,都是呆車車的!!