影足全日相~09:30-11:00

尋日31/01/2009一早就起身喇~!因為約左9點半上影樓化妝.

我就約左電車8點半0係西鐵站等.

好彩比我趕到佢班車, 咁就唔洗等多一班喇.

出到去, 去個洗手間就換衫化妝lu.

開始冇耐, 我就暈左lu, 哈哈.

Don幫我化化下, 我就同佢講, 我暈吖~

之後就眼前一黑, 佢地就扶我去梳化坐.

比熱水我飲, 解衫, 搽油.

不過抖左一陣我都好左好多喇.

諗住去番枱果化. 但Don擔心我唔得, 所以就0係梳化同我化左先.

仲點左電車落去買d野比我食, 買暖包, 因為怕我夜晚會凍.

化完塊面就上番枱幫我set頭.

一個二個見到亞Don唔開枱燈覺得好出奇.

就問佢點解, 亞Don話. 睇d燈唔順眼, 哈哈

佢仲叫所有人小心我, 同睇住我. 仲拎左人地既助手Joyce幫佢.

全日影相都唔比有大動作. 哈哈. 佢地個個都好細心呀.

一唔洗埋位就叫我坐.

到影完影樓, 我地就食D野, 之後就出發去馬灣喇.

坐私家車出發lu, 但係落左order, 唔比開快車.

去到青衣轉車入馬灣, 好多人見到我都覺得好搞笑呀~~哈哈

入到馬灣攝影師jimmy就好pro喇, 不繼搵好多靚地方, 仲即場拎道具tim.

真係天公做美, 尋日好好太陽呀. 晒到我同電車都開唔到眼. 哈哈

而我就成為左大家既保護人物, 不過我都有做番d野架, 就係幫佢地當蚊.

D蚊咬到我周身紅晒呀. 要Joyce不停幫我搽"冇比敵".

攝影師有個助手叫Oscar, 佢好幫得手架, 佢扮好post就由我同電車跟住做.

仲幫我入草叢打蛇tim ar. 幾偉大.

影完馬灣, 我地就向上環出發.

不過因為有野唔記得拎, 咁就要折返.

順便上去改埋個妝同頭, 換埋衫, 呵呵~

嘩~去到上環係超凍呀~埋位, 但係未影得時, Joyce就搵件褸幫我擋風, 一影得佢就9秒9閃人. 哈哈. 個場面好搞笑, 不過真係辛苦佢.

我地一路行一路影. 好多人睇呀~唔知係唔係我太靚呢??

影完之後我就返影樓落妝. 然後就辛苦Jimmy同Oscar過相落電腦比我地睇, 因為之後唔0係HK, 所以冇時間睇.

唔睇唔知, 原來影得好靚架. wawawawa. 仲有偷情相tim ar. 好PRO呀.

有好多張影到好日本feel.

我真係要同Jimmy講句 I LOVE YOU 呀.

不過由於時間關係, 我只係先選左23張相出黎做油畫同相薄.

等我返黎之後, 我應該會去要晒我影過既相. 因為真係太靚喇.

人又靚 ( 多謝Don and Joyce), 景又正 (多謝Jimmy and Oscar)

而且最多謝係佢地全日都照顧我, 仲有家姐fr. Natalie姐姐. 因為我黎緊d相就靠佢喇.

所以我係100%充心要推薦佢地比大家. My memory.  

 http://www.mymemory.com.hk/

第日有可能會見到我d相0係依個網址出現架.