鬆糕仔三歲生日

2008年8月27日係鬆糕仔生日, 又俾個藉口佢呀媽同班貓友聚一聚. 雖然我地都成日約去食野.

鬆糕仔, 媽咪錫晒你地幾個.

以下呢篇blog, 全篇都係貓b媽咪寫既. 呵呵, 我呢個懶呀媽, 索性搬過來. 當然問準左先啦

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日，得到貓友邀請，去左人地屋企同佢個仔...鬆糕慶祝三歲既生日...多謝人地架車同主人家，預備豐富美味既食物，D冬蔭公湯巧巧味，我...食左好多草菇...蝦味又夠濃...仲有D SO油餅果D，平時唔多好咖哩既我...今晚都食左巧多...又有凍餅食...仲有KFC既雞...真係巧耐無食過...總之...好好味又好開心啦...

一場去到人地屋企，我梗係唔放過影貓既機會，聽講主人家既貓係中左不瘦降架...果然聞名不如見面...

馳名貓界既巨貓...飯仔...

天真無邪既眼神...我暈得一陣陣...爭D機都揸唔穩...

飯仔玩棒棒呀...

睇佢同骨骨B既對比...就知佢有幾大...

仲唔知...有無攪錯呀...黎多張啦...

唯有俾張全身相啦...佢...成張門口氈咁大架...

再黎今日既主腳...鬆糕仔...

就咁睇...鬆鬆都唔覺得好大隻丫...大家再睇埋落去...

大家有無留意佢個腩腩呀...

查實鬆鬆並唔係屎面...佢只係一隻傻更更既貓...神情其實好可愛...

我好鐘意鬆鬆合埋眼仔訓覺個樣...真係好想去錫佢一啖...

再黎...暫時不瘦降未發生係佢身上既骨骨B...呢隻B...成日都無時停...我只影到風一般既佢...

骨骨B係待領貓貓黎架...主人家只係暫託佢...希望幫佢搵到好主人啦...

望緊咩呀...

原來搵緊棒棒...

骨骨B唔止面仔既顏色分佈得好平均...連旦旦都係一邊黑一邊白架...

最後...係由頭到尾都匿係房既波妹...呢張相仲要係主人家抱著我先可以影到咋...但佢真係好靚女呀...我最鐘意既三色...