亂寫！

各位朋友仔，我返黎啦。好耐都無系BLOG度寫野，今晚打完麻將返到屋企，突然好想寫兩句野添！上面的圖片是我新公司的同事仔，男O既是我地trainer。依家系新公司做野都幾開心，雖然工作量比以前公司多左好多，不過日子都過得幾衝實，每日返到公司只要見到同事仔，同佢地吹水幾句，收工之後系公司附近飲下野，我就覺得好開心架啦，可以將壓力大大減輕。而且逢週末晚都一定會有雀局，可惜我就輸多過贏，真系唔開心啊！

舊公司個老細叫我返去幫手，顯然是睇得起我，想我返去幫佢，而自己就未必想，可能覺得依度O岩O岩上手就唔想返轉頭，又或者自己本來就唔系一個始亂終棄O既人掛，想做落去，做返點成績出來睇自己同家人睇。所以會堅持做落去。

依排都無咩感情事，依家我可以發信息、EMAIL、打電話俾佢，應該話分左手都有兩個月啦。只是覺得感覺依家O野好奇妙，就算自己咩都做，能夠忍住唔對佢做任何事都好，始終個心有時都會諗住佢，唔系寂寞O既時候先諗起，而系就算系熱鬧O既環境底下，都會諗過下佢，有佢O既影子系腦海閃過，唔知依D仲系咪叫做未放得底呢？你地會唔會都有同樣O既情況發生架，定系話一散左過左一、兩個月就真系可以投入另一段情，或者撇脫到連諗都唔會諗返之前個個呢？