車喱子！

Monday 7th Jan08

星期六晚我又發癲啦！我知道佢因爲工作問題唔開心，之後我突然有個想法，不如買車喱子佢食啊，聽電台講，食左可以減壓同抗抑郁！於是我就衝完涼後就出門口，誓要做到爲止。系行去坐巴士既路上，會有幾間水菓店，我行入去稱左半斤車喱子就去搭巴士啦。上左車之後，我望住袋車喱子心諗：自己平時都唔舍得買黎食啊，不過見佢心情唔好就哄下佢開心啦。但望下望下個袋，好似得個紅色膠袋裝住，噤肉酸，之後我系佢宿舍附近間萬寧又買左個糖果盒裝起曬D車喱子包裝得好好睇再俾佢。原先諗住放系佢門口隔離個窗台度，等佢收到我電話後可以開門自己去拿，跟住我就系後樓梯打電話俾佢啦，電話個頭響左好耐都無人接，再打多兩次都系同一個情況。然後就失望地羅住個盒以爲送唔出既車喱子走啦，當我經過櫃台既時候，樓下個看更認得我同我講“七樓的剛出去”算啦，噤都無辦法架，又系出去玩啦，之後就同看更講“如果你見到他返，請你幫我俾佢啊，唔該”。一路行一路發短信俾佢，同佢講“我放左點野系看更度，你返去就羅啦”佢複“做乜要噤啊”收到msg之後，個心突然down左，估唔到佢會噤唔鍾意我爲佢做依點野，然後就又幾日都無發過信息俾我啦。