agnes b 台北勁食之旅

經過MJ離開 , 光明會reunion之後 , 要繼續記錄我上個月agnes b台北之旅o既零碎片段 . 今一次去鍾意番台北 , 首先間酒店好(台北商旅 , 聽聞幾出名 .) 之前自己去 , 好多時都死慳死抵 , 所以住過好多"yap"到不能o既"酒店". . .  今次滿意非常 ~ ~ ~   仲有 , 到埗果日好好天 , 好難得台北好天 , 心情都好d ! 最後食幾餐都好好 , 真係要多謝agnes b ! 太客氣 ~  都話唔駛對大家咁好喇 . . .  (hahaha ~) 

第一晚食燒肉 , 間嘢叫"胡同" , 炭燒的 , d侍應好好笑 , 唔俾人自己燒 , 因為佢哋要"QC" , 所以有d似"殘廢餐" ~   好味 !  想再去 ~ ~

第二晚agnes b show完咗之後 , 其實都夜夜地 , 十一點幾十二點果d . 咁大家都無乜頭緒食乜 , 有線靚女主播Sonia就提議去食"花雕雞" . 自己心裡叫好 ~ ~  因為之前公司同事去完"HTW"睇Eason都話花雕雞好味 , 所以好想食吓 ! 真心好味wor ~ ~  有掛住呢 ~ !

呢間嘢同燒肉一樣 , 又係佢幫你搞哂 . . .    同埋個"花雕雞"上o既時候 , 仲有"著火表演" , 不過限定以下呢位哥仔先會做 .

另外又喺士林食咗"雪花冰" , 而家香港好多地方都有得食 , 但係我地去呢間有50年歷史 ! 仲要排隊呢 ~ ~ ~  我食果個花生味 , 近睇好似"干瑤柱絲". . .

有餐早餐食麥記 , 竟然有Bagel食 ! ! !  毫不考慮就買喇 ~  仲要隻蛋整到好juicy , 唔似香港乾到反胃 . . .   讚 ! 

 from "Starbucks" .

台灣開咗"Cold Stone"炒雪糕喇 ! 仲要排隊tim ~ ! 之後去韓國又見到 , 但係兩個trip同行o既人都不約而同話 , 喺香港開實死 , 死況同Krispy Kreme一樣 ! 所以我都唔希望你o黎 , 等我飛去第二度o既時候先食你嘞 ~ !

好 , The Next Stop is Seoul ~ !