生完都係返娘家坐月好了~

不知是否因我懷孕的關係, 奶奶開心完, 又變成擔心, 咩都擔心一餐, 佢抑鬱症又發作, 負能量爆燈......  跟住又開始罰唔到~    我都同老公講, 好後悔唔買咗樓先結婚......  不過, 他家中太多負擔, 根本不是我倆的問題, 而是他家人們的麻煩~

自早前懷疑奶奶又自己有甲狀腺問題後, 老公迫她食了 "康神" 來調理內分泌和神經線, 幾星期後她已去了私家醫生和政府醫院做檢查, 証實不是甲狀腺有問題, 只是個水瘤, 無危險, 只需定期作檢查就可以~   她知道後又話不需吃.......     日日只想辦法慳錢, 加上細叔要搬出去自己住, 奶奶又唔開心, 見到佢咁, 我都擔心, 仲擔心埋自己tim ~

所以, 原本生完BB後想請陪月返來幫忙, 諗諗吓都係唔好, 怕對住奶奶會有產後抑鬱, 都係返媽咪度坐月好, 老公也極讚成!    佢都知奶奶好有問題, 又唔肯去睇醫生, 對住佢係人都顛~

所以, 好肯定, 各姊妹如要結婚的話, 一定不可同奶奶住!  就算買唔起都要租住先, 如果無二人世界, 千萬不要結婚, 一齊住之後, 就好難搬走架啦!