HKOC Ranking 5：寶馬山

2009年10月1日（星期四）　　　　國慶日

國慶當日，在寶馬山跑了HKOC排名賽的最後一場！是日的賽事中心位於一個非常優美的地方，有小河當前，心想：「一陣回來後可以跳落河涼快一下！」

我們坐著的位置，正是賽事中心對面，過去要過河的呢！

Clive和約翰兩兄弟終於正正經經來一張合照了！

是日地圖及我的route choice：（可click大來看）

下圖是老公的路線圖，不妨可以參考他的：

從起點到第一個point，基本上都不會miss左條路入去，因為一開始我跟著約翰和朱仔等人一起去的！

打完1號，落落山下已經比遲出發的Julie追上來了，洗唔洗咁快呀！ 不過，明明落山後轉右的嘛！點解我見佢飄左去左面既？搞到我都猶豫左一會！之後不理她了，向右行，突然又見她跑回來，我問：「你做乜鬼走左去那邊呀？」「呀！行錯左！」

跑跑下，突然見奇蹟湖在右邊一個山衝下來，Julie又想向右上山，但我們應該是踫到路口轉左的嘛！我說：「你又做咩呀？」「哎呀！我唔知呀！我都話寶馬山好猛鬼架啦！」

之後我便沒有再碰到Julie了，因為我見到上斜，只好全龜速前進！

這是第三個point！

之後碰到老公！他說去4號就經10號那兒去！我說未消化他說什麼，他就走了！我呆了好一會，然後突然好疑惑，我係邊呀？

定到位後，打算如跟老公的路線，卻遇到源，我告訴他老公說可以這樣過去，然後我都走了，後來見他也跟過來，因為不想被遺棄？哈哈！

去5號時，碰到一名正打算去10號的熟口熟面人士，我問他如何選去5號的路，他說走引水導那條路，攀升冇咁辛苦啊！其實我正有此意，見有人都是這樣行，就這樣去啦！途中都有我最不喜歡的上山路！

其實走引水導，開始發現有冇笨左呢？雖然條路很平，但很窄呢！跑得郁都唔敢跑呢！

不過風景都不錯！但......... 我好像是在比賽中，不是郊遊啊！哈哈！

打完7號要先落山，然後再上另一個山少少才到8號的，都未落到最底時，聽見源在對面山揮手和叫：「夫人呀！我找不到8號point呀！」我說：「有冇搞錯呀？都未到那兒！」「係咩？」

我過到對面山時，他終於找到8號了！他不是很早之前已經拋離我嗎？怎麼又會再見到他的呢？

他問我：「20分鐘可以返到終點嗎？」

我說：「應該得呱！（男仔體能應該比我好呱！）只要你不要迷路！」

8號就在下圖露出些沙地的山，然後我們都是沿著岩面地落山去9號！

離開岩面地後是一直下山，源說：「我對腳開始有點抽抽地筋！」

我說：「咁你要放鬆慢慢來呀！千萬不要急！呢度直昇機落唔到黎架！我又揹不到你下山架！所以你只有靠自己，冇人救到你架！我最多將你抽筋的片段錄起來，然後整個定向界都會看到！」

聞後，我相信他會小心慢慢走！

我覺得寶馬山的路不太好走，上山下山的路經常都有些「路陷」，很不好走！

10去11，我們又走番剛才去4號的小路上，阿源你支持得住嘛？

11-12-13的point都是一條大路跑，源竟然比我的龜速更龜速，完全落後！

我過埋河就返到終點啦！

源後來說他心口很痛！他心臟有問題的嗎？

我們應該是本會最遲回來的人，其他人已經悠閒地洗鞋了！留意相中在上游的兩人，原本他們在下游洗面的，嚇見有人在洗鞋，拿拿林到移到上游去！

老公真賢淑，幫我洗鞋呢！

討論賽程竟然在河上，洗唔洗咁有詩意呀？練武咩？

有人表演做人肉壁佈板？

玩完可以浸下腳，真係好舒服呀～！

看！小朋友玩得多開心！

離開後，我們到渣華道運動場沖涼！之後Julie和我們吃飯，然後去了尖東看煙花！很充實的一天呢！（但充實的日子還陸續有來！）

後記：

明明已經盡左力完成賽事，但出來的成績仍是DISQ，只因用了2hr15min，而大會時限是兩個鐘！

我好命苦啊～！五場裡面DISQ左四場呀～！

哼！不過好過有些人，玩左3個points就返終點呀！