休克?

最近身子唔係幾好, 由上個星期四開始日日都頭暈, 我知我好唔夠訓, 但都無辦法啦,..

上星期六本來約左家人BBQ, 最後都臨時"甩底", 無去到, 因為果日真係好唔舒服, 終於忍唔住放工去左上環睇中醫, 希望攪返好個身體, 唔好成日病啦..

睇完醫生, 返到屋企先發覺條"利"係最入面個位置, 生左好多粒好似"水POP"的物體, 我估都有十幾粒, 哇, 真恐怖...哈哈哈, 可能太熱氣o卦, 好在無去BBQ...

今早起身返工, 可能因為太趕, 一衝入o架港鐵, 頭開始暈, 不斷打呵欠, 又流眼水, 我知我就o黎要休克, 因為每次休克都會有這些先兆, 繼而會視野模糊, 跟住暈倒, 因為我讀小學時, 如無食早餐就返學既話, 好多時都會係早會上"o拍"一聲休克暈底, 所以我知今次又是想暈倒了...

我企左係一卡車廂與一卡車廂之間的位置, 當然沒有位坐啦, 我只好蹲下來, 叫做稍為舒服一點啦, 幸好還有2個站我便要下車, 如果唔係我估我可能會比人送左入醫院了！