減肥keep fit 101

最近因為有長假期既關係(亦都係忍受唔住自己咁肥既緣故), 進行了人生既第一次keep fit 減肥。
本身對減肥同運動一無所知, 同埋剛開始跑步時非常唔順利, 所以請教個舊同學有關方面既資料丫。
佢曾經係outward bound到做過教練, 所以資料對我黎講好有用, 我叫佢post呢的資料黎做福下的keep fit既ladies la, 佢就話呢的野好多書都有, 大佬, 人地想keep fit但麻麻地想掀書ma

呢遍野(其實係同舊同學既對答)主要係關於做運動同健身舉重丫, 有興趣既大家可以八下, 因為我真係對呢方面真係咩都唔識, 可能高手/做開既會覺得我問得白痴左的, 不過人地唔係寫俾你睇ga ma

以下提及到既數字只屬參考, 未必人人適用, 假如有興趣的話可查詢健身中心既教練丫。呢的資料或者的健身教練都會同你講或者有少少出入都唔奇(我唔打算join健身中心la, 有的貴, 錢都係留番黎上堂丫, 呵), 因為呢方面既知識太博大精深la, 唔係點會體育課程都有得讀(我冇貶意ga)


Q: 減肥時可以做健身嘛?會唔會變得好大隻?

A: 首先要記住, 脂肪絕對唔會變肌肉, 你重, 到底係脂肪多定肌肉多, 你要衡量。做運動係唔會令你o既脂肪變成肌肉, 呢一點非常重要。

第一, 減肥主要係做帶氧運動, 但係其實健身舉重都係運動, 一樣可以消耗卡路里, 但少過帶氣運動好多。
其實識得舉, 唔只唔會大隻, 仲對減肥好有幫助。

第二就係, 做帶氧運動之可以減肥, 係因為佢長時間咁消耗能量。而舉重亦係運動, 運動就會消耗能量, 當然用o既份量會少好多, 同埋未必可以消脂, 但係起碼用左d能量, 可以將身體過多o既intake又再減d。

第三, 舉重最重要係重量, 肌肉會變大, 因為你用力, 肌肉收縮, 所以佢會漲大。
如果唔想舊肌肉變得太大, 你要舉輕d, 做o既下數多。例如你本身最大力可以舉100磅同埋舉一下, 咁你就可能揀40磅, 舉20下。

第四, 消耗能量除左做運動, 仲有平時o既新陳代謝。舉重有個好處就係可以keep住你o既muscle mass, 因為減肥, 好多時因為減食量, 又少運動, 令到你o既肌肉退化, 變左唔係減肥, 但又減到磅。 因為你肌肉退化, 少左d肌肉, 無左肌肉最大問題係, 新陳代謝慢左, 即係你平時消耗能量o既速度都慢左。

總括而言, 舉重對減肥絕對有幫助。


Q: 有1回提及到假如吸收既卡路里少過消耗既就可以減到/keep到fit, 但其實跑步1個hr都係去咁200-300卡咁上下, 有可能消得哂1日所吸收既卡路里ma? (我被讚呢個問題問得好r, 其實係讚你ja, diana)

A: 呢個問題係同新陳代謝有關, 一個正常女士, 每日最少都要有1300-1500個卡路里俾佢o既身體進行新陳代謝, 如果你o既muscle mass越多, 新陳代謝消耗o既能量會越多, 即係你唔做運動, 用o既能量都會多過其他人。
但如果你減肥o既過程唔做重量訓練, 即係唔舉重, 咁你身體o既肌肉好容易因為少運動而退化, 甚麼無左, 咁你平日o既新陳代謝率就會慢, 消耗o既能量就會少左。


Q: 咁去做健身時有咩橋妙?

A: 要記住, 唔好舉得重, 重量一定要係15下以上(我問: 咩為之要15下以上), 可以做20下都得, 不過又唔可以太輕, 講緊係, 例如你揀做25下之後, 你做唔到第26下, 咁o個個先係o岩o既重量。如果你做完25下仲可以再繼續, 咁即係太輕。


Q: 有時的人咪話幾多下1組既, o個的又係點計ga呢?

A: 就係20下一組, 做3-5組。你舉到第20下, 無力再舉第21下, 咁叫一組, 休息3-5分鐘再做第二組(咁o個3-5mins做咩r? 放空?)你可以乜都唔做, 不過我會建議, 例如做完上身肌肉, 跟住就做下身肌肉, 輪住咁做(即係好似做machina a/b/c/d 各做1組之後再重覆做), 一來唔會浪費時間, 二來你keep住咁做, 可能舉一個鐘頭, 就好似你做有氧運動一樣, 所以要keep住呼吸(出力時呼氣)。

(姊妹們呢個pt好重要丫)不過你初初舉呢, 一定會覺得自己大隻左, 不過過一排肌肉習慣左, 就會唔覺得漲。