結婚三週年紀念

舊年既結婚兩週年大阪之旅好似唔係過咗好耐，紅葉美景依然歷歷在目，話咁快原來又一年，三週年來到了～

回顧尼一年，我同林生一齊經歷咗好多開心與唔開心。

先講唔開心，今年三月經歷咗我人生第一次既事業低潮。嗰種傷心既程度，我係重未經歷過。好在有林生既支持同鼓勵，我先至好快企番起身。

另外仲有其他一點點既事情，令我既情緒變得好差，好在有林生同我一齊面對同埋安慰我。

開心呢，就當然係我哋既換樓夢終於實現啦！過兩日仲正式收樓添o刺！尼間屋都可以算係我哋結婚週年紀念既最佳禮物。

希望裝修工程順順利利，期待與林生喺新屋過2010既農曆新年～

重溫一下我同林生結婚當晚成長片段既歌曲......愛很簡單。