闊太去High Tea

今年既 Annual Leave 因為 5 月去咗轉北京，跟住又要留啲做大製作，其實已經無乜得剩。不過上個月 29 號都攞咗日假，因為當日係舊同學雪雪既大日子嘛！

晏晝先同車厘去新世界伊甸園觀禮，Hall 10 我去第三次o刺！HAHA～

觀禮過後就會合 QueenQueen 一齊去洲際 High Tea，閒日去五  級酒店食下午茶，闊太既享受呀！ 所以當日餐廳亦唔係好多人～

食物就一般啦，服務就幾好！一聽見我叫車厘大住個肚要小心梯級，侍應轉頭就攞個cushion 比車厘，等佢坐得舒服啲！抵讚～

尼個就係 for two 既，$398 + 10%，連兩杯飲品。

High Tea 完之後，我同車厘繼續去做闊太，百利放血也～

車厘自從有咗小車厘之後，發福不少，當然要買過啲新衫啦！仲要買對舒服既平底鞋添呀！尼日車厘大豐收啦，不過我都唔弱，都有小小斬獲～

掃完貨之後，我哋又去酒店.....雪雪既婚宴地點......日航酒店～

出尼篇網誌既時候，一對新人仲喺瑞士 honeymoon 中，真開心呀！再一次祝你哋新婚快樂呀！