網誌分類：林師奶的悠閒生活 |
圖片
網誌日期：2009-09-04 23:21
Jannet 又名鄭叻池，係我十年前去韓國旅行時食既。當時大家年紀相若，又啱咀型，最緊要大家原來係＂同行＂，所以份外投緣！五天既旅行完咗，返到香港我哋都久不時會約出黎食飯聚聚.....
尼份友誼一直 keep 到而家～ 
我同鄭叻池雖然唔係成日見，但每次見面大家都會傾下心事，講下工作上既嘢，絶對唔會 dead air。而且佢絶對係一名義氣仔女，當年我結婚臨時要換姊妹，佢臨危受命，一口應承頂上！佢既爽快，令我而家依然深深記住！
尼一晚我同鄭叻池撐枱腳，慶祝我哋既相識十週年！
本來想去韓燒，襯番當年我哋既相識地點。
不過因為鄭叻池身體抱羔，暫時唔可以食油膩嘢住，我哋改去大戶屋。清清地食烏冬～
我既吉列鷄扒拼喬麥冷麵
鄭叻池既迷你雞扒拼烏冬 (因為鄭叻池胃口仲未完全恢復，所以要咗個迷你版，顯得我好大食添～ 
)
鄭叻池，你要快啲好返，我哋去食韓燒呀～～～ 
很多人跟我說, 我婚禮當天的照片比prewedding的照片更美， prewedding 那些是擺好post/角度打好燈才拍的 婚禮當......
李想之家 未有任何已發表的網誌
鍾意食又唔想肥既何c奶 2009-09-08 12:02
林師奶2009-09-09 00:01
BeanieJaNeT 2009-09-07 22:57
哈哈.. 我都有個花名叫鄭叻..不過無過池字~~
祝鄭叻池快d好番啦..家陣d細菌太勁.. 我都病左成個禮拜啦....
林師奶2009-09-09 00:01
Vivi 2009-09-07 11:00
我仲以為你地曾經係同事添~~
祝你地友誼永固!!
鄭叻池, 早日康復呀~~保重!保重!
林師奶2009-09-09 00:00
鄭叻...池 2009-09-06 22:00
能夠由團友成為好朋友...加上我哋兩人超夾嘅有緣磁場（連上到深圳都俾我撞到妳喎!）...呢份情緣實在難得...真係想唱番首＜友誼萬歲＞...wakaka
嚟番個Part 2...齊齊擦韓燒去~~~ 
哈～突然間...我覺得自己好有型...好有俠女feel添 
應承妳...我會好好保重身體...一好番晒...即刻call妳
祝我哋有10 x N個周年繼續慶祝囉...呵呵
* P.S. 估唔到我當年兩脥插刀之舉...另妳咁深受感動兼一再公開表揚...
林師奶2009-09-07 00:00
上深圳都撞到嗰次真係好好笑!! 超有緣呀~~
當年真係多得你啦, 如果唔係我都唔知典扇~
仲有, 可唔可以唔唱"友誼萬歲呀"? 巧娘喎~
"友共情" 會唔會好啲? 