反應熱烈。一再加開

上個月第一條 OPI 船開出後，同事朋友們都反應熱烈要求再開船，尤其是一啲上唔到船既朋友～ 見大家咁有興緻，而我又諗到有咩可以再訂比自己，咁就再做船長開船啦～

2nd batch 比 1st batch ＂載客量＂多一倍，好快已經上滿客。尼一水好好彩，好快就收到。右下角嗰包乾花係贈品黎o架！第一次訂甲油時唔知道買滿一個價錢有嘢送，甲油公司求其執咗兩件豬頭骨比我。今次醒o刺，自己揀～

尼啲係我既。上一水買嗰枝 Seche Vite Top Coat 真係好好用！索性買枝補充裝，抵用好多呢～

左手邊嗰枝就出哂事，因為喺 www.flickr.com 搵唔到真人試色都照買，結果返黎完全唔係嗰回事。喺個網度睇，明明係深紫色o架嘛！實物就擺明係啡紅色，差好遠～  好在媽咪鍾意尼類色系，成枝送咗比佢，無 side 到 ，又可以做下孝順女。

以下尼啲係同事＆朋友既

3rd batch 就更 crazy ，訂咗 54 枝！！！平時係一份份郵包咁寄黎，可能今次數量太多，用盒寄黎～

淨係拆包裝都拆咗我唔少時間，今次實在太多枝o刺，無心機逐批影相呀～

淨係 show 下我買咗咩啦～

以下嗰 3 枝彩繪筆同 handcream 仔係今次既贈品。因為今水買過咗一萬蚊台幣，所以贈品都多啲，可以被我揀既都係好啲既贈品。我幫大家訂得咁辛苦，又對單又要拆包裝，袋哂啲贈品都唔過份oY～