11/10

11/10 (六)

我地宜家喺婆婆屋企.

原本婆婆想我地琴日上黎架.

不過.因為霖霖打波會好夜先放.

而且每次打完.霖霖都超攰.

所以咪今日先黎囉.

妹妹琴晚話隻牙好辛苦.

緊係啦.隻牙鬆到走左 98 % 出黎喇.

我諗住幫下佢喇.  (上帝之手 )

妹妹雖然好驚.

但係又好辛苦.所以都肯.

不過..真係太驚喇.

每次我一伸手.妹妹都即係咀.

來回幾次都係.咁算啦 ~

叫佢洗下手仔.自己旭下隻牙喇.

一整.即刻甩左.

影返張牙窿相先. 

我喺哩邊喎 !!                     

見唔見到個"姑窿"呀 ?               

上排同位置果隻牙都旭緊.

都係差唔多甩架喇.

我叫妹妹快 d 整甩佢呀.

因為我想食當當呀 ~

霖霖打完波返黎.又屎晒狗.

因為 pe 堂要跑步.又要打咁耐波.

兩隻小腿既肌肉實晒.

我除左做工人之外.仲要做埋按摩女郎.

幫大少姐放鬆 ! 放鬆 !!

琴晚臨瞓前.諗住閂電話.

先睇到 man 俾我既信息.

(佢 8 點幾俾我.不過我成半夜 3 點幾 4 點先睇到)

我地有半年無聯絡過.

點知一聯.就收到個壞消息.

如果我早 d 睇到.咪可以打個電話俾佢囉.

頭先同 man 講左電話喇.

我唔識可以講 d 咩黎安慰佢.

又驚自己講錯野.唉 ~

 伯母.放心.佢地大個女.識得照顧自己架喇.