今年已經超額完成

今年龍舟賽事, 對於我嚟講真係超額完成.仲有好多驚喜呀

17/07/06 梅窩:我地以前最多係梅窩只贏過第四名, 但係今年可以贏到銀杯MIXED第二, 最惟憾就係男子入唔到FINALl, 但係對於我地嚟講, 可以有獎攞真係好開心架

19/06/07愉景灣: 呢個賽事俾我第一個驚喜就係我地嘅教練-輝哥,輝嫂,芳姐長途跋涉嚟DB睇我地比賽, 之後又好趕去赤柱睇另外一隊, 雖然唔係睇足全程, 但係都有臨場再教我地點扒, 呢樣嘢對我地嚟講, 真係好有鼓勵作用.而我地今年個鬥心好強, 唔想輸俾什果冰, 同埋想知道經過冬訓嘅訓練, 成績可以去到邊亦都唔想令輝哥同TREVOR失望(其實係自己先啱).之後我地好辛苦咁入到男子公開組金碟賽事, MIXED FINAL(我覺得冇分別囉, 男子組又係我地幾個女仔, MIXED又係我地, 鬼叫我地唔夠男仔咩).首先賽咗男子公開, 一出去見都啲對手, 全部都係仔, 一個女仔都冇, 死喇輸梗冇得鬥, 盡力啦!到最後我地唔係包尾(比起以前一定係).到聽結果時第四唔係,第三唔係,再聽第二名時係我地, 嗰刻真係好開心, 一來贏咗什果冰, 二來今次同中電西龍鬥, 再唔係距離一條龍, 只係半條. 嗰吓真係開心到喊,從未試過咁激動架同埋我地未試過係DB攞到最高賽事嘅獎, 覺得冬訓冇白費, 又可以同輝哥交代, 同TREVOR攞番一啲面子, 哈哈之後輪到MIXED FINAL, 今次都係攞第二, 又係好開心, 真係未試過一日裹面有咁多驚喜

23-24/06/07 國際龍 : 其實都預咗唔會有獎攞, 至在參與, 攞吓經驗, 同啲強隊鬥吓, 知道有咩不足之處再加強訓練, 我估下次有機會嘅