網誌分類：ಇღ花嫁ღಇ婚紗相 |
等左好耐, 終於都俾我等到5月哩一個星期啦~
22/5先係我同牛牛正式影Pre-wedding Photo的一天, 但因為要朝早8:00 就去到皇室經典, 所以我地就提早一日上去o係皇室經典附近揾間酒店住一晚, 咁22號o個日就唔駛咁早起身, 又唔驚會遲到啦~
21/5 約左2點上去皇室經典選衫, 但上到之後佢地話暫時未有位, 所以叫我地宴少少再返黎~於是我就牛牛去左東門行~
真黑仔, 一個上午都係大太陽, 返到酒店放低d 野咪放埋把摭; 點知出到去東門就落狗屎, 我仲一路担心22/5 如果都係咁落就慘囉~
其實去東門主要原因係要整指甲, 雖然Pre-wedding Photo入面, 指甲的暴光率應該唔高, 但哪怕有一張都想佢好好睇睇呀~ 只不惜去東門整指甲自己冇做過research, 唔知邊間做得好, 於是就跟左是但一個女人去佢間鋪頭~
點知就咁就去左一間黑店~ 真黑仔~
話說我就咁想整普通的法甲, 收費係80蚊人仔; 我見佢都俾他鋪頭貴, 但佢話可以好快搞掂咪跟佢去佢間鋪囉 (因為我都趕住返皇室經典選衫); 點知最后埋單係100蚊人仔; 幇我整指甲個女仔一路係咁叫我加錢整其他野, 我全部都話唔要, 淨係最普通o個隻就okay, 但去到俾錢o個陣佢話幇我整左個咩打腊~加我20蚊; 我咪同個老板娘理論, 我一直都話唔要, 你個女又話幇我整左, 我第一次整甲我鬼知你個女o係度搽咩, 是但搽完一d 野就收多我20蚊, 而且個重點係我一直都話唔駛~ 係又佢自己話搽左; 講左十幾分鐘, 我決定放棄, 費事同佢地再吵落去~ 俾$100 就走, o個20蚊當係俾乞衣~
