blog之閉幕禮

正所謂：天下無不散之延席

本Blog因為特別原因而唔可以延續落去，唔好問點解，要執就係要執，所有野都係注定既。

有第一篇Blog就必有最後一篇，有開幕禮就會有閉幕禮。我唔會將之前既網誌刪除，我亦唔會再打，咁多位網友：你地已經唔洗再上黎，我唔會再次update。

至於msn果方面，我都知道係我同小學同學唯一既聯絡徒徑，因為我地唔會再無端端打比對方，只係咁岩晌msn見到，傾兩句。但係亦都因為特別原因，我唔會再上msn。而家係二零零八年八月十六號下午一點四十七分，晌喱一刻，見到我個msn公仔著綠色燈既網友，你地好彩，因為係我林世彤最後一次上msn。如果你地日後想聯絡我，可以打去我屋企，或者手機。

我唔會期望喱一篇Blog會有好多既回應，我只係期望咁多位網友記得曾經有喱一個Blog，屬於我林世彤，林世彤一手一腳整出黎，美化佢既Blog。

再見啦，我既Blog，我既blog友，晌我msn見到我既朋友，咁多位，再見