人魚的煩惱

喉嚨發炎已纏繞一個月，醫生轉了三個，抗生素換了幾款，間中要先服止痛藥才能開口見客。上星期尾好了一點點，以為終於沒事。誰知那是迴光返照，昨天聲音愈來愈細，晚上︰靜音了。

屋漏偏逢連夜雨，昨晚老公婆婆入院了還要趕往探病，真狼狽。

沒有了聲音對我來說是極度不便的。因為我嗜好、消遣和工作都是講野。我曾說過上天對我最大的懲罰一定是啞了，點知開口中; 上個月還自讚今年身體好了，本月即病。以後還是小心說話好了。

沒有了聲音對一個保險代理來說簡直係完全喪失工作能力(可能可以試下claim disability income，哈哈)，客人趕著聽回應，你喂極他都聽唔到。而當你最講唔到野時，電話就最多。平日不常發生的理賠、供款問題，唔繞口都唔出現。找同事對不十分熟絡的客戶說︰「請留電郵地址回覆好嗎，因不知何時出返聲?」客戶居然話唔好! 唉! 咁你找客戶服務吧，那兒有真人發聲。沒有了聲音，下星期的見客、教書、講座都不知應否推辭，所有事情都突然癱瘓下來。

不過亦有幾件趣事，唯有苦中作樂來一點甜。

1) 因為講唔到野，寫了一張字條俾醫生，醫生問問題我用氣弱游絲的聲音，不，是沒有聲音的聲音答他。點知佢居然扮我!  大男人一個用八婆講是非既聲調講話。醫生︰你笑死我啦!!!

2) 因為講唔到野，寫了一張字條俾小巴哥哥告訴他哪兒下車。他記得停不單止，仲做手勢話我知「到了，這兒便是，拜拜」。好細心的一個男士，掂呀!!!  不過我想他是以為我是說不到又聽不到的，真不好意思!

3) 超醒目客戶及同事，喂一聲知道我問咩講咩! (當然亦有點都繼續講唔俾你睇醫生的煩同事和見到你好似見到痳瘋病人退後幾步的衰同事啦。不過算了，因為噓寒問暖的好朋友好同事太好了，我都唔記得佢地幾衰啦!)

4) 新發現，說話有沒有聲同咳嗽有沒有聲是兩回事來的!

望快康復，年曆還未派完呢!