體能挑戰~大潭行山記

Nov 7, 2009 ~~ Saturday

大潭行山記

今日mammy話要向體能挑戰

所以我地先去左陽明山莊附近

揾左幾條路線選擇既

1.  黃泥涌峽道~經黃泥涌水塘

2. 紫羅蘭山

3. 大潭水塘道~BBQ場

4. 渣甸山

我地擇左行渣甸山

睇吓行左上去之後有乜東東先算

Honey話出發前影番張相先

佢話之後可能會攰晒, 影得佢唔靚喎

good girl....有先見之明

話明係上渣甸山, 所以一開始就上石級

Honey懶勁咁一箭咁標上去

Honey : 喂....你地行快d啦

行左一陣, 見到呢個石牌

睇左一陣話係獻比

所有加拿大Winnipeg既榴彈兵團

嘩....我地估呢道梗係開過戰喇

Beans Beans同Kumo都話要致敬喎

上山係體能挑戰, 所以我地都邊行邊抖邊影相

沿途花草樹木都好靚

個天好藍, 不過係熱左小小

可能因為係1:30pm, 不過山上面有山風都算okay

好喇...無幾耐就到左第一個山頭

不過唔知叫乜東東

3小花喺度稍作休息啦

休息完就再繼續行, 行左一段時間

終於見到有指示牌喇

噢...原來我地己經過左渣甸山

再向前行大概1小時就會到畢拿山喇

okay,有左目標又繼續上路

我地不停咁向山上行

雖然有梯級, 但係都幾吃力架

d小朋友就叻啲.....因為佢地有4隻腳嘛

無睇係唔係用左一個鐘,

我地到左畢拿山喇

呢處仲比渣甸山高

由山上望番落去, 見到密密麻麻既石屎樹林

呢度就係我地既家 ~ ~ 香港

影吓相, 保給吓水同小食比3小花咁啦

hehehehehe...Honey己經耍爬低抖抖喇

一黑一白睇落仲係信心十足呢

抖完一輪再繼繽向大風坳行

沿途我都叫印印姐姐坐吓抖吓

因為佢地負磅重呀....

我地飲嘅水全部喺佢地個back pack度

而我就揹住部camera

再耐唔耐要抱吓Honey咁囉

Honey : 喂......等埋我啦

到左大風坳, 眼前既景色仲靚

喺度都不自覺要同3小花影多幾張相

因為我地都花左唔小體力先黎到呢樹架

Beans Beans : Nanik, 你扶緊我呀....我驚驚呀

Nanik : Beans Beans唔使驚, 有Nanik喺大廳呀...hehehehe

上完大風坳, 跟住就係一連串既落山行動喇

幾隻小鬼見落山容易啲就話要自己行喎

真係精甩邊呀

Honey係mammy既好model

要佢sit喺度影相係零困難...good girl

落山就一定無咁辛苦

所以我地只係停左一次抖吓

終於落到呢處平地喇

呢度有BBQ場, 所以我估應該係屬於大潭郊野公圓範圍

不過我地會繼續向大潭篤水塘行

雖然話落左山, 其實呢度都仲係好高既

不過就係石屎路好好行

行左無幾耐, 見到呢個牌

Kumo : 嘩...發達咯, 有冷氣嘆, 唔使咁熱囉

Mammy : Kumo, 你咪儍啦, 冷氣走廊既意思係

因為呢度倆傍都有好茂盛既樹木去阻擋太陽

所以係會感覺清涼好多

人地寫得咁清楚你都唔睇真啲....啍

Honey : Mammy影我吖

Beans Beans : 嘩....係好似涼啲喎..

又有指示牌喇...

再向前行多陣就會到大潭水塘啦...yeah!

Beans Beans & Kumo : 好快就到目的地喇

Honey : 等我都影番張先~

到喇到喇.......大潭上水塘呀

Mammy不嬲都鐘意行水塘

而且到左就梗係影影影影啦

Mammy話其實佢就係比呢條橋吸引左

所以想同我地黎呢處喎

呢度仲有指示牌介紹大潭水務文物徑

Kumo你可唔可以同大家介紹吓黎

好吖.....跟據我上綱搜集既資料

大潭水塘包括大潭上水塘、大潭副水塘、大潭中水塘和大潭篤水塘

不過因為時間既關係

等我地下次去晒黎啲水塘先同大家詳細介紹吖

依家我地要由呢處行經黃泥涌峽道

返陽明山莊撘車車返屋企啦

今次我地足足行左5個鐘!!!!夠晒啦

雖然係辛苦, 不過證明我地體力夠呀

下次再黎, 探討所有上,副,中 & 大潭篤水塘

睇吓Honey個攰樣

等等吓的士就己經瞓着左啦