繼續加油

滺滺, 你返了學不知不覺己三個星期了...........

雖然你還是每天都哭住入課室, 但起碼這星期開始你沒有嘔了

(不愧我每天6點鐘起身喂你飲奶, 因為你每天回校都嘔, 老師叫我不要給你飲奶

但你在校什么也沒有吃, 如果連奶都不可以飲, 又好似好可憐喎! 

及婆婆知道後, 一定罵死媽咪呢?)

每天和你換校服返學, 你都肯換, 但總是一路換, 一路哭住說好驚

每天更不肯自己行回校, 由出門口到學校門口, 都是要我抱住,

嘩, 真係累死,  自己背住個袋, 還要背埋你個書包, 雖然路程不算太長,

但亦都不短呢? 每天婆婆接你時, 你還是不肯行, 婆婆抱了兩個星期,

終於頂不住了, 現在要帶埋BB車去接你放學............................

每天睡前, 我都會不停在你耳邊說, 返學唔驚, 有老師, 有同學仔, 有玩具,

有時你看住我的樣子, 好像在說" 得啦, 媽咪, 你好煩呀!"

但媽媽還是要不停說, 你還是照樣不理我, 到我問, 妹妹返學唔喊好唔好,

妹妹說 : " 返學喊"  我問 : ”返學唔嘔好唔好”  

這次你答 : "返學唔嘔, 好" 好彩你都有做到返學唔嘔...................

老師告知媽媽, 你開始肯在學校食東西, 肯飲水, 肯食水果, 肯玩玩具

但當你有個BIT時, 突然想起媽媽或婆婆時, 你又會哭, 但只哭一會兒

老師哄下, 你又會收聲, 妹妹, 你要繼續加油呀!...........................

媽媽期待你上學時, 會和我說BYEBYE及你自己行入課室.......