博同情?

好友終於完成了手術,  化驗結果是沒有擴散! 不需要再做其他的治療,  衷心希望她以後能平平安安!

看到手術後的她,  面色蒼白,  不過精神尚可!  

隨口問她一句,  他有沒有來?   她苦笑了一下!   還反問我, 咁妳想人地點呀?   吓!  佢唔講呢句我都無咁嬲;  回想當初知道要做手術,  仲問我應否同他講,  會唔會比人覺得係博同情?   喂!  依家妳係咪病懵左,  乜嘢叫做博同情!  妳估妳依家傷風感冒呀?  係 cancer !  先唔好講妳們的關係已經如何親密,  就算是普通朋友,  也不會如此涼薄啊! 

十二年!  一段十二年沒有結果的所謂愛情,  唔係打個電話嚟講兩句就當無事呀?   前後兩個星期,  以往搵人開心的時候就有時間,  依家死左去邊呀你?  死鬼佬,  我睇你唔起囉!!!

正所謂一個願捱,  一個願打,  好友自己覺得開心,  我從來唔會多一句說話,  大家成年人,  後果自負!   但是經此一事, 係唔係應該醒醒呢!   愛一個人唔係咁架!

就算他的條件有多好, 但唔係屬於妳呢!   [不在乎天長地久, 祇在乎曾經擁有]!   係咪真係可以咁瀟灑先?