發達喇!

恭喜發財!

今日一返工, 就收到老板封大利是,  咦! 好似咁重手, 靜雞雞睇下, 嘩! 破記錄呀! 上次記錄係五百大元, 今次竟然係…八百大元呀! 發達喇! 

黃山, 我話過唔會再有第三次了, 好辛苦呀! 原先以為依家有索道會容易好多, 點知仍然行到腳瓜 long 痛了三日, 仲要遇著下雨天, 又凍又大霧, 能見度極底! 日出、雲海唔駛講都知睇唔到; 連奇松、怪石都矇查查, 平時都話斷估無辛苦, 今次連估都無得估!  得個行字, 好慘!

今次旅行我又有新嘗試, 就係由深圳機場出發, 來回杭州機票只需人仔2,000.-  旺季嘛, 淡季應該6折攪掂!  住宿Boutique Inn (精品酒店), 三佰元多一晚, 雖然無設施, 但房間O.K.喎, 不過最老土就係啲 toilet 採用玻璃間隔, 100%透明, 不用咁open 呀! 

係咪好有[王家衛]feel...

同埋四個人自由行好符合經濟效益, 包一輛的士剛剛好, 食飯又可以叫多幾個餸, 幾好呀!