簡單的生活, 內心卻很充實

星期五晚, 簡單的一場戲一餐飯, 過的十分舒服開心, 多謝妳。
雖然這麼簡單, 但不其然地感到一份充實感。不過, 亦很久沒有這樣遲返屋企了。

星期六, 一早八點幾就起身, 食過大排檔的早餐, 就開著小羊去了西貢集合, 成班人一齊出發遊船河。(忽然間想起, 應該要問下她會唔會去, 雖然知道99%她不會去, 但都應該一試)

Anyway, 這天天氣好壞參半, 有過幾陣雨, 不過大家在船上的節目很豐富, 大家去到西貢一個外島, 果度好多遊船, 我地連小船去到一個海水清澈的小灘游水, 但陽光很烈, 雖然我已涂了防曬, 但都是成了一隻黑豬。

在灘上玩了2小時, 我們又坐番大船, 上到去剛巧是下午, 就開始大食會了。
食飽飽, 我走到船身的前方, 大字形的睡在甲板上, 當時陽光被遮了, 加上之前下過雨, 所以清涼的十分舒服。

到了三點幾, 大家開始玩滑浪及坐香蕉船, 好好玩, 由快艇拉住香蕉船, 隻蕉船一反果下就係好hi。

其間, 有幾個兄弟, 帶晒裝備去左潛水, 由於裝備過於專業, 仲有水用攝錄裝置, 在一些淺水的珊湖區拍攝, 我都好想試下, 可惜我無潛水牌啦, 哈哈。

到了六點, 我們回程返了西貢碼頭, 由於事前約左朋友游水, 所以就飛車去左澳海城的Club house 一齊游水, 果度真係好高檔, 巴之閉的更衣室, 仲有桑拿, 外面又有水按犘池, 實在開心。不過按摩池有點不足, 就是水壓射不到肩頸位, 我成日最倦的地方, 偏偏得不到鬆按。當然亦用我的推拿手法, 幫我的好友按了, 亦教了他推拿的手法, 在我身上臨床學習, 雖然其手勢好一般, 但都好過無, 幾舒服, hehe。(其實昨天, 還是在不斷想著一個人, 哈哈)

星期五一日睇了2套戲, 星共六一日遊了2轉水, 都幾搞笑, 暑假的第一個星期, 著實是開心屎了。

今天星期日, 真係要好好休息了。

其實我覺得我的暑假, 最多活動都應該只係開始的2個星期, 點解會咁, 因為開始放假, 最重要是Connecting Peoples。所以剛開始, 要話俾人聽我潛番上水面, 向大家揮揮手咋, 哈哈。這個星期節目豐富, 不過最開心的一刻, 其實是最簡單的一刻, 哈哈~~~