秋風送爽精神好開工!!!

禽日在Facebook 提到早起早到公司的習慣，其實呢個係立品多年之習慣，有時以為講多都費事，誰不知有讀者竟然應我話“如今的一代誓死堅持遲到”，死未？

我最近交稿的一期Lisa(十一月份那期)寫過金融海嘯我學到的七件事，其中一項寫到早到公司的好處和用處，日後徵得有關方面同意希望可以轉載此文章。好比今早，我滿心歡喜地在巴士用手機上寫呢篇短文時已在心中營運好到達公司後我將會要處理的私事。其實唔係話扮正經，全日辦公一點私事都唔會碰，而係有咁樣嘅心理辦起公來才健康，而日間快快手手做好手頭上工作早早快樂回家去才是我本人一直倡議的做事態度，有啲人貪婪地以為可以在辦公時間恣意任性和無忌彈地做著自己事其實有冇想過好處在那裏？你以為真的冇人知道？你以為就算你的老闆知道而不揚聲就等於沒事？我問你你加薪昇職的掌握大權在誰手上？就算今年加薪昇職的機會已不大，人家有新project時覺得你做得和肯做的potential亦會減低，呢點切忌忽略！