九方

好悶！

上星期初左右，叫左老細幫我買九方，因為電腦嗰九方唔知做乜﹝我唔記得原因﹞，唔見左！我就無所謂，因為我用倉頡ge﹝速成都用到我頭大﹞，但茶就發哂癲，佢都被我迫用倉頡個幾禮拜，算喇！放過佢喇，決定買番隻九方俾佢。點知後尾先俾我發覺佢係用速成，吓！速成都問我咁多字﹖

不過…點解唔學番啲正統ge呢﹖

終於，星期日又會無情情俾茶係荃灣南豐搵到喎，不嬲都諗住要出黃金先有。於是，呢部提款機就出左荃灣，總之皆大歡喜啦！

尋日，老細咪咪麽麽咁好晏先返，一返嚟就擺左啲野係我枱，我﹖當堂掩住口尖叫！

…

…

…

平日，我老細同許冠傑一樣，周不時會去行鴨寮街，咁我諗住嗰度同黃金唔爭得幾遠，所以…咪…哈！哈！哈！叫佢順便就幫我搵呢樣、買嗰樣咁囉！但…你千祈唔好限時喎，佢，記得先會幫我買野，好彩咪一個月內會買左番嚟囉，唔係啲話，佢就會‘哎吔！’一聲，之後就係我自己攪掂喇！

但，尋日佢居然幫我買左九方番嚟，仲係同茶買嗰隻一模一樣版本，真係想唔尖叫都唔得吖，佢話

﹕你買左又唔打電話俾我﹖

﹕你幾時會試過咁快手吖﹖我以為你會返左嚟先出鴨寮街嫁嘛，點知你買完番嚟啫！

﹕我諗住你趕嘛，我係隔離買咋﹝葵芳﹞，都無出九龍！

哎…吔，想唔暈都好難喇！

一陣放工，會同姑丈、表妹佢地買啲野去寶福山。

儀式，聽朝就係喇！