無言…

假如

陪伴你15年的人、非人類、物，到了其‘生命’盡頭，你會……﹖

或者

經過那20歲貓貓遭遺棄事件之後，15年﹖又算是什麽！

我﹖

我為事件中的非純種貴婦難過，雖然我始終不大喜歡牠！

那麽多年，每次見到牠﹝她﹞……

…

佢總會一下咁衝上嚟，抱住我隻腳，跟住…係咁…un、un、un、un、un、un、un、un、un、un、un、un………

老實講，真係令我超討厭！

但主人家唔教，我呢個外人又可以點﹖話佢﹖就會被主人家話，何必自己做醜人，係咪﹖

係灰返嚟之前，佢，已經走左！係走得好辛苦咁走！

未走之前一年左右，見到佢已經覺得佢好有老態，雖然我對狗認識唔多，但起碼見到佢雙眼‘白’哂！

主人﹖厭睇醫生比人貴，由得佢！

話﹕狗咋喎﹖使唔使睇醫生咁巴閉吖﹖

嗰時，佢已經係呢個屋企14年，衣食總無缺，每層樓梯轉角都有水、糧。但…俾我ge感覺…總唔同於我對我屋企啲貓！

但…狗…唔使睇醫生，但就會去寵物美容店剪毛！

對上個次見到佢，行路都腳震震、忘記係左定右邊身爛哂、無哂毛，感覺好濕笠笠！以前已經唔鐘意佢ge我，就更加唔會摸佢喇！但唔知點解，我覺得有啲野，所以都有摸下佢個頭，心裡面同佢講﹕Take care！

閒聊中

主人話，原本想係花園掘個窿攪掂佢，但原來咁做會被食環署之類告，所以好唔想都問左我網站地址，就係咁，我俾左嗰時幫我兔父女攪身後事ge公司網站佢地。開左電腦，開左啲骨灰盅嗰頁俾佢地睇，點知

﹕吓，使唔使吖﹖乜仲要攞番嚟咩﹖唔係佢地嚟執左佢就算架﹖………無言！

又話﹕攞去醫生度同佢打針，會唔會﹝指診所﹞同我攪埋，一條龍服務咁嫁﹖………再度無言！！

…

…

唔想知都會有結局

佢走左！

為免麻煩、哂錢，call左食環署，因為食環署唔收錢﹝定係我聽錯其實有收錢呢﹖﹞。

食環署叫佢地用報紙包住，再放入膠袋，再擺係門口，佢地會嚟收！食環署係會嚟收垃圾ge。佢，只係一件垃圾！

心諗﹕如果唔係隻狗已經係佢地屋企15年，周圍啲鄰居都知道隻狗係佢地的話…

我相信，咁怕麻煩ge佢地，一定會，就咁，放佢落食環署啲大垃圾桶度，咁，就，一了百弓，乾手淨腳，電話呢啲咁麻煩ge事都唔需要做！

我唔鐘意隻狗係我ge事，我並唔係憎佢，但知道佢ge結局，除左唏嚧、仲有氣憤！

對主人嚟講，狗狗只係啲不知所謂、不負責任ge人擺係朋友度一陣﹝一陣等於15年﹞，而再由不願孭任何責任ge人，由得狗狗係屋企俾父母理，反正屋企有地方，無乜所謂。而不願孭任何責任ge人，啲不願孭法，係可以為左唔想照顧日後年老ge父母，而走去自殺ge人！而第一次自殺之後ge今日，即係十年後，父母仍然未需要佢照顧！

一樣米養百樣人，巴喇吧那！祝君早‘安’！阿彌陀佛！善哉、善哉！阿呢路也！亞門！

唔記得前晚定尋晚

諗起呢件事，發起神經同灰講

﹕將來，你會‘介紹’俾我識嗰個﹝而家未有﹞，如果唔鐘意動物ge話，你就唔使帶俾我睇喇！

心諗﹕恐防我會一腳伸佢走喎！

茶﹖

唔使我講，佢自己對於啲只愛人類ge人類，不嬲都…哼、哼、哼！