已過去的家

其實我已經搬左家2個星期了, 間舊屋都住左成七年多, 好有感情. 有 d 唔捨得. 所以搵下 d 新舊相, post 比大家睇, 等未黎過屋企既都等如黎探過我一樣.

新屋係租的, 面積大 d, 有套廁. 但係唔知點解廚房同主人房就冇以前間咁大. 好多野都放唔落, 但係景觀就好 d.

(1) - (2) 呢兩幅係最近賣樓影比代理的.

80吋長鞋櫃, 冇咩屋放得落.

(3) 主人房窗台做左兩個櫃桶, 可以裝多d垃圾, 細房都係一樣, 只係色調唔同.

(4) 床頭背板都有裝飾過. 同埋間房夠大, 張床可以放中間, 三面落床.

(5) 以前個單位有個 6尺幾大衣櫃位, 非常實用. 加上用左平面式拉間設計, 外觀好睇得多.

(6) 書房冇咩特別, 係右手邊銀色係側拉式書櫃.  同埋預留左個位, 第時唔做書房可以放張三尺床.

(7) 左手面原本係冷氣機維修用的百葉窗, 不過我改左做個架可以放裝飾物. 成個可以好用易咁除番出黎. 主人房都一樣, 不過係黑胡桃色.

(8) 走廊位有個假天花可以放垃圾, 同埋做左個燈糟做裝飾.

(9) - (10) 最係就係客,飯廳兩支燈飾, 呢兩支燈冇賣到, 我搬左過去租果間屋用.

因為舊屋全都都係入牆傢俬, 好實用, 可以放好多野, 所以攪到新租果度唔知點放野好. 頭痛.

其實仲有小量物件仲未搬哂, 因為仲未到交吉時間. 不過好快到架啦. 第我有時間, 再影下間吉屋留個紀念先.