劇評：Last Smile First Tear by littledog

尋日去左睇舞台劇

Last Smile First Tear

一入塲見除左塲刊,仲有一包紙巾, 心諗又係要人喊O既劇??

睇完後, 我並未感動到喊, 佢入面有D意思係幾好

例如講FIONA 認為自己害死自己個朋友, 十年來都封閉自已, 覺得世界無意義, 事發後無笑過 (LAST SMILE), 而梁袓堯就因為八歲時被媽媽遺棄, 之後要人寄居係唔同親戚屋企, 發覺只要對人笑, 人地就會開心,咁就會對佢好D, 從此就無喊過, 用笑來壓制自己感情 (要FIRST TEAR從新自已O既感情)

現實, 當然有好多假面具, 對人歡笑,背人垂淚, 見位就上, 見人就踩...

人O既真感情可以對住咩人先可以真正表達呢?? 我依家都未知, 有D野,你想講, 因好多環境因素, 你並唔可以表達, 即使係你最親O既人, 亦都係一様.....我試過無法舒發, 自己係WORD 到不停打字, 打晒我想講O既野, 然後DELETE!! 好似好無聊同白痴, 但原來自己心事只可以自己同自己講, 好似自問自答咁~~~

佢另外一個想帶出的主題係Just Belive - 只要你相信, 事情就可以變真

對於我咁現實O既人, 真係好難接受JUST BELIVE~~而佢對為左交代依樣野都用左好多時間，俾人有悶塲Ｏ既感覺～

我最欣賞佢個舞台燈光，好靚，好多變化

ＦＩＯＮＡ　唱功好左，但佢講野把聲仲係弱，有時唔係好聽到佢講咩。佢Ｄ服裝靚到爆，見佢著格仔衫好好睇，即刻好想買

ＪＯＥ，佢戲好唔洗講，但我覺得依套劇俾佢發揮得唔夠多，最鍾意佢同佢阿媽鬧交Ｏ個幕，好激，成個人醒晒，做佢阿媽Ｏ個個Ｄ戲掂到爆

有興趣可以買飛睇，佢加左塲！！