鏹水彈襲深水

Hello !               睇完 "阿仙奴 vs 熱刺" 半場 ,    仲以為半場打和

 0:0 , 誰不知一個 "屈尾拾" 即刻連輸兩球 ,  "熱刺" 班友仔點做野架 ,

咁都得 ? 仲講乜鬼野大戰喎 , 睇怕下半場仲有排輸 . 

                         襯住半場 , 整番篇網誌先 , 呢一篇網誌 , 在公在私都要

優先處理 ,    即刻去片 , 今日頭條 : 鴨寮街鬧區遭掟鏹水彈 ...  

                   嘩 ~ 有冇攪錯呀 , 又掟鏹水彈 , 家陣D鏹水唔駛錢買既咩 ?

    都唔知同 "旺角" 果個鏹水狂徙有冇關係既 ?    話說尋日中午

放食飯果陣時 , 都有經過果度 , 初時見到拉晒警方膠布 , D報紙及電視

記者四圍都係 , 仲以為有人跳樓 ,    掂行掂過就算 , 返到屋企睇新聞

先至知 ,  呢個社會究竟發生乜野事 ? 究竟係黐線 , 定係另有所圖

呢 ? 若然係對我地既 "曾先生" 有D乜野不滿 , 有好多途徑可以宣洩 ,

唔駛搵D咁野黎攪 , 俾佢咁樣攪一攪 , 好慘架 ~ 依家 "深水" 出入 ,

我都有D驚驚地 ,    所謂 : 上天有好生之德 , 就咁算哩 , 希望佢睇

到呢篇網誌 , 收手啦 . 

                夠鐘睇埋下半場 , 有冇奇蹟出現呢 ?   

                我睇都係輸小當贏既多  ...  

                Bye Bye !