滿清十大酷刑

Hello !              俗語話 : 十賭九輸 , 果然係真既 ,   黑起上黎 ~

就算入到口都要番出黎 ,    尋晚場波諗住 80幾分鐘入波 , 都

實食冇黐牙架啦 , 點不知臨天光先至賴尿 ,   想執餐茶錢 ,

唔駛咁掛 , 不過我出豉油佢出雞 , 算啦 ~ 

                    今日頭條 : 垃圾蟲罰$1500 , 食衛局撐夠阻嚇力   

                  唉 ~ 長話短說 , 我就話夠鬼夠馬咩 , 呢D野 ~ 一定要用刑

D友先至知驚既 ,    好似果D老人家 , 持住有 "政黨" 撐腰 , 罰佢幾多

都係 "政府" 左手交俾右手 , 有乜野意思喎 ,      但係鞭到佢屎忽開

花既話 , 就唔係咁講 , 正所謂 : 人之初 ~ 性本賤 , 好多人都係出爐鐵 ,

唔打唔得架 , 硬係要俾人打過至知驚 . 

                 其實亂拋垃圾與隨地吐痰呢兩味野 ,  "深水" 真係隨處可

見 ,    遠既唔講 , 就今日下午大約 1:00 , 有個外賣仔踩住單車 , 乾咳

兩聲之後 , 個頭轉90度角就放飛劍 ,      大約 5:45 有條肥婆 , 食完支

煙 , 將隻手垂直 , 兩隻手指放鬆 , 個煙頭直跌落地下 , 以為冇人知 ,

呢D人渣如果打過佢一次 , 可能以後都會記得唔好再犯 . 

                  罰錢 ~ 有鬼用咩 ,    不過若然連 "笞刑" 都冇用既話 ,

"刺青" 都係一個唔錯既辦法 , 將 "垃圾蟲" 個名刺額頭 , 包保個個人

都知道佢既往績 ,    倘若 "刺青" 都唔得 , 把幾火 , 黎個 "宮刑" , 絕

佢既子孫 , 保証一了百了 ,    好多貓狗都係閹之後 , 性格溫馴

好多 . 

                  Bye Bye !