吸煙者死

Hello !            尋日果篇講開 "癌症" 與 "吸煙" , 今日再下一城 .  

                                 今日頭條 : 女性長吸二手煙易乳癌 ...  

                    睇到呢段新聞 , 當場涼半截 ,    皆因我做野果度 ,

四圍都係 "死煙剷" 之餘 , 仲有午飯時間果陣 , 隔離舖有條 "臭八婆" , 飯

後例必一支煙 ,    最慘就係吹晒D二手煙過黎我果度 , 大吉利是講句 ,

他朝患上 "癌症" 瓜老襯 ,      而又證實同佢有關既話 , 就算告到去

"十殿閻王" 果度 , 都要告到佢今生冇好日子過 , 下世就算 "披毛帶角"

"結草銜環" , 都要還番比我呀 .     (再鬧多佢一次 : 正一死八婆)   

                   表面上吸煙乃係個人喜好 , 生死與人無尤 , 實則內裡大有

文章 , 我個人認為 , 有三類人士 , 絕對不能夠吸煙 .  

                   第一類 :    上有高堂者 , 所謂 : 身體髮膚 , 受諸父母 , 不敢

毀傷 , 孝之始也  ~     即係話仲要留番條命黎好好咁孝順父母 , 唔可

以食死自己住 .  

                   第二類 :    下有妻兒者 , 意思同上面差唔多 , 即係話咁辛苦

整頭家出黎 , 就咁食死自己 , D仔女真係多得你唔小呀 , 咪死得咁易

呀 .  

                   第三類 :    受社會恩惠者 : 即係領取綜援人士 ,     由領取

綜援果一刻開始 , 條命已經唔屬於佢自己 , 皆因佢身上所有野 , 都係

由納稅人辛苦既血汗錢所供養 , 所以要好好咁報答番呢一飯之恩 , 不

過依家D人唔會明架哪 . 

                   就算唔係呢三類人士 , 都唔代表可以肆意咁吸煙 , 要確保

自己所呼出既二手煙 , 絕對唔會俾其他人所吸入 , 否則又係犯萬死

不辭之罪 ,      唉 ~ 吸得咁辛苦 , 不如戒鬼佢啦 , 就當係珍惜

自己好唔好 ?  

                    Bye Bye !