"星河明居" 事件

Hello !              呢一篇網誌既內容 , 係 "所見所聞" 篇與 "私人恩怨" 篇

既混合版 ,      即係報紙又有記載 , 又有DD關自己事咁解 .  

                        呢段報紙係 8月18日既新聞 , 不過拖到依家都仲未解決

得到 , 呢D野 ~ 真係有排拖 , 正式係沒完沒了 ,    今次一於黎個

實地考察 ~ 去片 . 

                              星河明居扶手電梯維修惹爭拗  ...  

                   呢度係地鐵 "鑽石山" 站出口 , "星河明居" 巴士站 , 連接

上 "鳳德" 既自動樓梯 ,    首先申報利益 , 我並唔係 "星河明居"

既業主 ,   而呢條自動樓梯我相信住果度既住客 , 使用率低

得好交關 , 但係唔知邊個訂落既條例 , 維修要由果度既業主負責 .

     恩怨亦由此而起 , 錢就要出到足 , 使用率就小中有小 , 而又唔

知果度係咪半露天 , 所以壞梯率非常之高 , 俾我都唔高興啦 .  

                                                 真係成日壞架  

                                       太長又唔算 , 不過都幾斜架   

                                最近D業主做番D野 , 掛起橫額抗議  

                                             公用設施 ~ 公家負責  

                                                右手邊係巴士總站   

                                                        拉遠D睇  

                                     後面就係地鐵 "鑽石山" 站入口   

                   講句公道話 , 果度真係唔應該由D業主承擔維修費用 , 因為

駛用既人 , 絕大部份係上 "鳳德" 果度 , 所以要佢地包底 , 實在太過唔

合理 ,     依家有3個方法可行 , 一係就拆鬼佢 , 大家一拍兩散 , 

 一係就將佢轉為石屎樓梯 , 咁樣維修費就小小攪掂 ,      最後就係交

俾政府包底 , 反正政府無謂既扶貧果度所浪費既錢 , 數以百億計 , 多

多一單 , 簡直係九牛一毛 , 何足掛齒呢 , 最緊要大家都開心嘛 .  

                    一於就最後果個方案啦 , 冇其他更好架 . 

                    Bye Bye !