天生萬物以養人

Hello !              今次呢單新聞雖然係尋日 , 不過都想講 ,   

下面既內容 , 可能大家未必認同 , 不過呢D一直係我心中所想 . 

                             尋日頭條 : 美探測器 , 兩撞月球尋水 ...  

                  點解想講呢一單呢 ? 皆因近排 "明珠台" 播放 "向深海出發"

與及 "自然大事件" , (已經播放完畢) 睇完晒之後 , 有感而發 . 

                  我個人認為 , 地球生物已知既物種裡面 , 最衰格就係人類 ,

雖然我自己本身都係其中之一 , 不過都係咁樣話 ,     從來冇一種生

物 , 可以對地球傷害得咁深 ,    不斷咁樣開採石油黎用 , 其他動物唔

識喇掛 , 仲有對其他生物傷害 , 更加不在話下 , 飛潛動植 ~ 食得就食 ,

      國與國之間既軍備競賽 , 核試 ~ 無日無知 , 攪到南極上空既 "臭

氧層" 都穿埋窿 ,      近年見勢色唔對 , 又話講環保 , 以為用小兩個膠

袋 , 就係所謂環保喎 , 天唔天真D呀 ,    依家玩到冇野好玩 , 連月球都

攪埋 , 硬係要炸到佢 "稀巴爛" 先至得 , 認真好事多為 .     

                 人類既衰野 , 真係數都數唔晒 , 不如大家每人數一樣啦 . 

                 引用 "張獻忠" 既 "七殺碑" 所講 : 天生萬物以養人 , 人無一善

以報天 , 殺 ~ 殺 ~ 殺 ~ 殺 ~ 殺 ~ 殺 ~ 殺 !  

                                                唔信 ? 有証有據架     

                      駛唔駛咁毒呀 ?  

                      Bye Bye !