927 - 中菜分菜班 後記

知道了她會出席E個班, 收工第1時間去傾果個班...

26號晚，打比佢，約佢~  佢肯一齊去wo... 嘩~天呀！ 苦盡甘來？ 當然同佢傾左陣電話啦... 這份天賜的禮物... 我真的很喜歡   佢肯同我一齊去，總比果次影相好... 果次影相，我唔開心左成個禮拜... 果次直頭有d射失12碼,呆企果種感覺 = =

27號朝，同上次一樣,銅鑼灣A出口,DeliFrance門口等~ 相同的事出現我面前，打比佢，無聽... 等等等，等極都唔見佢... 天呀，咪玩啦！ 辛辛苦苦攀到上山頂，你要我跳返落去？  拿住個電話，忐忑不安的... 差唔多要走啦，但佢又未到，點知，個電話有一個佢個名的未接來電... 開心到跳起！佢打比我wo...此時此刻，佢到啦~1個人ja...   果一刻真係好驚會又同果個人一齊黎到呀~

去之前果晚，問左幾位朋友，原來唔只開一班，係有好多班，而上一段講果個人都有返去上堂，行返去，都咪話唔驚... 分班，一眼就見到自己個名，果一下開始發茅啦，有無佢個名呢？有無呢？   有！果個人呢？無！

上堂，無奈的分開坐~ 但放休息、食飯都一齊~  撞見好多朋友，朱老師等~都只顧著佢，無理d朋友！ 當然又傾傾傾啦，佢都幾多蝦碌野，或者，我就係喜歡著她這種性格！

係唔可以一齊坐有點不足，但... 真的很開心... 仍好記得，佢那個傻呼呼的樣...如果抽中張牌,就要分2個菜~ 你知道要分2樣，其中一味係魚果陣，真係可愛到不得了！

分魚果陣，全程"Mon實" 佢，竟然想就咁就走去拿條魚出黎.... 喂喂，要set傢私嫁！ XD 我地果邊分得快，我不嬲都好鍾意食魚，雖然今次條魚好難食，但，如果佢分的，我食條食晒又點話，眼見佢咁辛苦分晒條魚，隔離台傳黎好多次經理同佢的話"唔洗驚嫁，條魚瓜左嫁啦！" 睇見佢就慘，又幫佢唔到... 隔離台分晒d魚，無人食，益我丫！ 浪費！

一天的課，話咁快就上完啦~ 一齊行出去，送佢坐車... 其實想去埋食糖水先走，但食左咁多樣野真係太飽...結果只能夠送佢上車，行到車站前，佢無啦啦好似上左身咁，扮蟹打橫行，勁cute囉！

上車前，跟她說希望她過兩日返工... 結果都係無返~ 緣分未到？ 但我希望快點來到！ 目送佢走...之後我都走左啦...

這天，真的很開心.... 也令我有了一個明確的方向，Carman,我好鍾意你！