職場責任心

我唔知d人係職場上識唔識分咩係份內事，係咪真係少做便少錯，唔做便唔錯架呢! 成日係同事面前話自己好多野做....好辛苦..做到病做到想死個d，通常都係圍威喂...有野唔去做...六點鐘即時閃既醒字派。有些人份內事都未做得好又可以係公司生存到之餘仲有職紮，大唱孫燕姿個句: 好...神奇。某些港人既工作態度真係仲衰過以懶見稱既國內同胞，以前做merchandising同同胞合作多，問佢地攞辦攞價錢追交期，佢地無心覆都會作個藉口氹下你，我試過收到個假既courier number話個辦sent左俾我..真係啤一聲，我有時仲可以發洩下起佢地圍...大吵特吵...xyz佢地，at least心理上好過左。而家問同事野都好似乞佢地咁...電話..電郵出齊都唔會覆...成日話自己忙忙忙，你唔三催四請咩，佢可以當無左件事，會答你的又答得唔情唔願。究竟咩係責任心呢? 係職場老屎忽已經無左呢個心定係職場新鮮人根本無過呢個心，我呢d不老不嫩的無間道有時真係俾佢地激到當場死亡，不過三分鐘後我便會番生，實在為呢d人動左自己度真氣又何苦呢。 

P.S. 阿頭係各同事眼中由低能仔升格為白痴仔了。低能只係智商比較低而已，而白痴應該算係零智商吧。