伊豆榮鰻魚@TOKYO

其實我根本係一個好愛吃既人....講下講下..除左魚生,壽司,串燒之外...連鰻魚都係咁愛....

平時係香港買開吉吉島D幾十蚊鰻魚..都知係孔雀石綠貨色。今次黎到日本,仲唔食返D正宗日本貨~~

有朋友介紹既伊豆榮,位於上野不忍池畔,已經260年歷史...

呢一間係總店,好似仲有一間分店係附近架~~

朋友介紹呢間野好出名,每逢食飯時段(約12:00-14:00)都好多人傾下生意,所以都幾FULL...為左唔好哂時間...準時12:00到逹...都等左10分鐘

結果係得返5樓既"榻榻米"....其實我都係比較鐘意坐洋式啦, 因為雙腿無咁辛苦ma..但為左唔想等..唯有屈就佢地一個午飯既時間..亦成為左成個日本之旅唯一一餐"榻榻米"餐。

慶幸遇上鄰座係上海夫婦..互相交換相機幫手影相~~

終於黎到啦....新鮮既鰻魚便當...軟滑汁濃,配上脆脆既天婦羅....正

除左一般日式既浦燒鰻魚外..呢一個鰻魚蛋卷亦係一心想試既食物,細心既店員仲幫我地分成2份,唔駛食個時挾黎挾去咁論盡

其實都幾好味, 但都幾貴啦...試一次就ok既...

最後出場既係白燒鰻魚~~~~係香港係應該食唔到..就算有都應該係勁貴

因為白燒係唔用任何汁同調味,而鰻魚係有少許唔新鮮都會腥。所以可以用黎做白燒既鰻魚基本上係要生劏同即燒...

為左食呢一條魚,要等一個鐘呢~~ 未食過,感覺幾得意..我諗條魚凍左係會勁腥,所以紅色個塊鐵係可以保溫一段短時間...

比較起上黎,都係浦燒好味d呀...同埋平d....一條白燒既鰻魚已經等同一個浦燒鰻魚餐呢~~~都係個句..點都要試一次呢~~

估唔到黎到呢度都要1:12 喎....

著和服既店員--係一個和藹可親有媽媽feel既---嬸嬸(好難形容,佢又唔係呀姐,但又未係呀婆)用有限既英文同漢字同我地講解呢個就係260年前既模樣

可能呢個就係第一代老細呢~~

時至今日,伊豆榮係同一個位置已經係樓高數層現代食肆~~點解係日本,好多餐廳,品牌唔係100都幾十年...反觀香港做到10年8年又要敲鑼打鼓,究竟係香港人不思進取定係日本人堅持祖業先有咁既成果呢???