沙美島之住宿篇

沙美島屬於泰國海洋國家公園既範圍,每一個入島既旅客都要比200baht既入島費..凡經公共碼頭再駁車入酒店既人,司機都會車你途經呢度交入島費 (船費-50baht,入島費-200=250baht)

由於我地係去酒店對出既沙灘位置間水落船,所以就無經過呢度,但唔好以為咁就有so,因為酒店收既船費已係250baht,所以其實係一樣既~~

個次仲要同埋d貨一齊搭入去,其實仲搵笨,因為根本無咩位坐,要同d貨迫埋一齊~~

比左錢咪就會Welcome 你入島law

介紹下我地住個間野先,由於我地去個時係沙美島既旺季,所以島上面較為出名既酒店都要成千蚊..泰國咋喎,我覺得實在太貴啦~~所以死搵難搵,結果比我搵到一間大約四百幾蚊既酒店, 諗住差d都無所謂啦...點知去到就有d意外, 因為真係幾靚架~~

由於要慳返d旅費,無take係頭排既海景房呀,只係要左第二行既小屋..竟然咁好彩..都見到海呀,雖然只係harbour gap..但真係成條村得呢間咋~~

唔知個椰子會幾時跌落黎呢...

房入面都唔差喎,有1queen 1 single, 如果係一家大細去..4個人都可以住一間房呀

連張梳化都可以瞓一個人架~~

Resort 出面就係沙灘啦...諗起可以係度坐幾日就開心~~由於酒店係近沙灘尾,唔係咁旺,仲好啦...靜d..情願行遠d(其實都係15mins)去其他餐廳

唔好以為沙美島住宿要好高洗費, 其實佢地大部份既guest house都仲好平,不過就無咁近沙灘(約行15-20mins),有熱水,有冷氣既房平衡都只係1000baht樓下咋~~

呢間都係住宿黎架,不過就係本地人既地方...簡陋得無門無窗..就連日用既水都係靠屋外既幾隻桶...計起自己係香港既生活都覺得自己幸福好多呢..

佢地仲有養雞tim呀..唔知係要黎自用定係賣比人既呢~~

沙美島係繼布吉同蘇梅之後我地第三個去既泰國小島..

我地去既時侯, 已經有好多建造客房既地盤..眼見當地大力發展旅遊, 一面為當地人可以改善生活而高興，但另一方面亦都可以預見到污染會越黎越嚴重，就好似布吉同蘇梅咁..變得商業化,嘈吵同色情~~

雖然而家既沙美真係十分唔方便, 無血拼,無咩出名既餐廳..我地試過搵一個adapter都搵左3個鐘~~真係唔係樣樣野都有,但就因為咁,令到無咁多人願意踏足呢個地方...藍天同海水都係前所未見既咁靚...令我想再去一次

如果你都有機會去,幫下手唔好四圍掉垃圾同珍惜水源..咁樣我地先有機會係10年後再去...佢仍然都係咁靚咁吸引...