20/Dec/08 X'mas Party @ Ruby Tuesday

有無攪錯...20/Dec 既 X'mas Party..而家先post出黎!!我都覺得攪錯呀!!

真係唔好意思啦 ,小妹屋企突然有小裝修,由25/Dec開始就上唔到網,所以就遲左啦!!

呢個係由三傻"艾姬明"做攪手既派對啦....一開始大家都努力set up..sorry..我只係睇..無咩出過力呢!!

一開始..大家都只係掛住食..因為大家都係空住肚黎, 要食多d..食多d~~

至於呢張--就係大家飲飽食醉,又未開始抽奬個時high high地影..一堆影咁..唔駛加效果都相信無咩可能認出係邊個啦~~

玩得一陣就開始抽奬啦..大家都返埋位坐定定等叫名啦!!

抽前一張

抽後又一張..大家最有興趣既就係圖中最大份同有閃燈既模型啦...唔知得奬者抽到咁大份奬返到屋企可以放係邊呢

由於今次party既三位攪手係模型高手加迷你手作老師..所以大部份既抽奬禮物都係自家制作架呢...所以都別具特色呢!!

呢份就係我為今次party準備既小手作,希望佢無失禮人啦~~

除左抽奬令大家大開眼界之外...同場仲加演手工藝交流..

以下呢一件係一件手織既線衫..只係同一蚊銀差唔多大..睇到我地眼都突呀..

無錯,你無睇錯,係手織!!同埋點解我叫佢做線衫,因為佢真係用縫衫既線加上一對似縫衫針咁幼既織衫針織既~~

絶無欺場...間色,扭繩..齊哂~~基本上只係一件細左好多好多既冷衫!!勁!!

比你黎個正面

仲有咁細既lace..係手釣架...有幸見識先發覺自己似井底蛙!!

最後黎一個大合照...攪到張相咁,希望大家搵得返自己係邊啦!!

玩得好開心..希望快d有下次啦!!!