頭爆

星期六都要返whole day, 討厭！

朝早要九點半出到油塘，睇頒獎典禮，都幾無聊！開頭開會時話唔夠五年年資的老師都要去。

去到，點知都喺點名紙揾唔到自己個名，查實係咪根本就可以唔去，但前一晚至俾人叮囑一定要去，但去到都見唔到其他班主任，無嘢講！

完第一節，影埋相，即閃，去隔離油美苑睇示範單位，同馬鞍山一樣，間隔都唔係好實用，36樓都只是睇到少少海景，馬鞍山的吐露港仲好。

食完嘢，返學校，家長日，密密見一點半至五點半無停過，不停被學生催我要快啲，出面啲家長排長龍。

其實我好鐘意見家長，因為可以更深入咁認識我啲學生，又可以睇下佢哋似呀爸定呀媽，好搞鬼，仲有今次終於正正常常、關心學生的家長啦，好多都係爸爸媽咪一齊嚟架！

見完家長，又要繼續做嘢，原來下星期一、三、五都要睇堂，所以好大壓力，唯有要做好準備。

特別係星期五的CCE堂，我真係要唸好個PLAN至敢走。我今次有祈禱，究竟要點教呢？點至可以又係探究式學習、又有趣、又學到英文、又符合到學生的水平和教授的要求呢？

我想問下大家，如果我問係咪所有地震都會引致嚴重影響，你哋會答咩呢？

我係想教地震的影響

議題就係：地震都會引致人命偒亡嗎？/(或帶來嚴重影響嗎？)

教中二學生。

我唸到的教學流程係：

1. 活動一：我首先會叫學生腦震盪用簡單英文列舉地震的影響，鬥多來俾分。(5MIN)

2.  活動二：每組派發一張相/圖，每幅圖都會分別顯示一種地震的影響，並會有英文單字。每學生要合力做回圖片的境象，做定格，還要每人講一句簡單英文對白。其他組別可以問問題，如演員的感受，他坐在哪裏等！然後其他組別要估出該項影響。(但佢哋未必識得用英文答，咁我定話俾幾個答案佢哋揀呢？咁又會唔會太簡單呢！)

(10MIN預備，15MIN表演+發問)

3. 活動三：完成工作紙及做總結 (5分鐘)

功課：做地震影響的腦圖

這只是初部構思，還要找圖片，問英文老師意見，又唔知佢哋肯唔肯咁玩，因為之前都未試過, 其實喺睇堂做都幾冒險下。

但只是相片描述又好悶！跟住書教仲悶，估到晒!