油翠苑

今晚喺屋企齊人打邊爐慶祝爸爸生日，同時開家庭大會相討抽居屋問題。

因為應該係最後兩三批啦，有能力就去馬。

其實我哋屋企都係最近幾個月至有能力，再過幾個月又無得玩。

屯門無晒貨尾居屋，所以我可能要搬啦！

我哋最想要油塘的油翠苑，要三房最大的單位！

最好抽到好簽, 可以揀先, 咁就緊係揀高層望到維港海景的！

呢個屋苑首先近我學校，又近聯合醫院(我細妹都有唸過去那邊的婦產科到做)，附近有足球場(我細佬好鐘意)，最緊要係近港鐵站，交通方便啲，咁我哋第時結晒婚返娘家都方便啲嘛！

希望可以完到媽媽的夢想,住靚屋！雖然都唔算好靚，但起碼是新樓先呀！

而且爸爸都好贊成，其實我同佢分別係呢兩三日有呢個抽居屋的想法！

佢又唔介意轉工！

唔知神會點按排呢？

因為我搬到咁遠的話，就返唔到TMLLC，我當然會唔捨得，仲有唔捨得湖蝶灣的海旁、海灘、舊同學.......這個我從小到大生活的地方。

但為咗全家人著想，呢啲咁重要的決定，當然留返神去做啦！