網誌分類：無聊日事 |
圖片
網誌日期：2009-11-27 00:00
早上醒來，住到63樓咁高當然一起身做第一件事就係眺望遠景喇
越高級既酒店越係唔包早餐，所以金典都係唔包，於是梳洗完畢就出去搵食，搵下搵下就去到捷運站，見到呢個高雄電影節代表人物比起舊年多左好多唔同形象
周圍都無乜野食，於是索性搭去橋頭糖廠站食早餐
去到到橋頭糖廠站四周荒涼一片，不禁後悔點解唔食埋先0黎
原來呢度叫橋仔頭
好在行遠D終於搵到間餐廳，情調唔錯
但一睇餐牌就發覺只得午餐，睇一睇表都十一點，於是索性食午餐。
食完野就去前面橋頭糖廠，入去前有一間店出租單車，Jacky提意租車玩下，我心想可以將相機背囊放在單車上，又可慳返D腳骨力，當然贊成
點知Jacky就去租呢隻三輪車，又徙腳骨力之餘背囊又頂著踏單車，真係幻想美麗現實殘酷
踏兩野唔夠就到正門
再踏兩野唔夠就到第一個展館
左面個電話睇戲見過，右面果個我細個時屋企有個黑色0既
植字機
參觀完上返車，踏兩野唔夠就到左公園，又係單車唔可以入，於是行入去
這些是從前用來搬運糖的火車頭
由於年代已久，頗為殘舊
用零件砌成的機械人雕像，有趣
呢條友影影下又唔知捐左去邊
入糖工廠參觀
一入類面，嘩！
Biohazard係咪0係度取景咖？
有人又阿Chris上身扮打喪屍
雖然日光日白，但仍然陰森恐怖
但看到這幅圖陰森恐怖感一掃而空，實在好像手塚治虫的自畫像
出到糖廠外依然可以想像當年規模之盛大
參觀完糖工廠外面有這防空洞，內裡更加陰森恐怖
回到公園前又有一小火車頭，那標誌很像博派，唔知會唔會變形呢？
參觀完畢見係時候，雖然無乜踏過都要交車，於是就踏返到門前，行埋展銷中心就走
近交車處有這間搜奇館，奇就奇左兜左兩個圈都無門口入，係咪已關？
回到橋頭糖廠站，接著便乘捷運到澄清湖，去參觀海洋奇珍園
