孩子長大了

呢幾日接波波放學時

老師們都不約而同地話我知波波好乖

聽到媽媽一頭霧水

今日有機會見到阮主任

先知原來早幾日社署派人黎做評估

波波表現得好好

佢好合作咁做哂老師既指令

又會同人拜拜同飛吻

對方同佢講早晨 佢都會努力伊伊喲喲地回應

逗得大家好開心

事實上

波波新年假後已踏入另一個成長階段

成日傻笑又唔怕醜

突然間仲好多野講

講得最多既唔係波波蘋果等名詞

反而係追 跌 飛 落等動詞

但最動聽的

當然係叫 '媽媽'

情緒方面係最大改進

已經好少聽到波波發皮四大叫大喊

正如老師所講 波波專注力強左好多

宜家最鍾意放本書比你要你講故事

一講要講好幾次 百聽不厭

自理方面

波波仲係未識用飲筒

反而用杯又飲得幾好

學校下週開始學習戒片

媽媽屋企都要配合

需然比起其他小朋友學遲左

但都認同校方所講 在心智程度適合既情況下進行

事半功倍之餘 亦會令小朋友更加有自信心

天下父母都寧願自己病而唔好子女病

身體健康仍然係媽媽最關注的

2月初波波連續3日發高燒

退燒後即刻出疹兼周身痕

好在婆婆煲金銀花比波波沖涼

一日後疹印退哂

大家先放心下來

波波到左呢個階段

學習能力發展得超快

真係日日都有驚喜

日日都咁開心萬事足

人們常稱既Trouble Two

希望唔好咁快出現呀!

P.S. Happy B Day to our dearest EE!!!