網誌分類：七姊妹拉大隊旅行團--越南 |
圖片
網誌日期：2009-11-30 16:38
終於黎到最尾果日喇, 四朵金花亦已經變左四朵膠花…早上行程係去戰爭博物館, 原本都諗住又係睇下d飛機大炮姐, 點知未去到, 阿ming san已經係車上“詳細”地講解館入面既展覽內容, 包括種種美軍對付越南平民, 戰俘同政治犯既惡行, 不過當我 feel 到佢想講果d 殘忍野既時候, 已經“um”住左對耳仔喇, 所以亦講唔到俾大家聽。基本上, 我只係留連左係館既入門位置等大家, 欣賞左一批學生既反戰圖畫作品, 因為我實在唔敢行入去睇果d真實相片, 睇完個心實拿住拿住咁出黎 …
之後, 我地就有3個鐘自由時間 (終於有喇!!), 原本諗住係Diamond Plaza度hea既, 點知呢間所謂既百貨公司真係超費, 可能我地香港人真係shop慣既人啦, 呢棟野對我地黎講係絕對hea唔到3個鐘架lor, 真係一個鐘都俾多佢..所以, 我地決定出去“獵食”!!
首先, 我地入左去一間書局睇 guide book仲問埋書局個staff付近有咩野好食, 佢地真係好nice咁教我地去一間食international food既餐廳, 但當我地正搵緊呢間餐廳時, 竟然經過之前一晚去食晚餐既果間5星級酒店, 我地即刻衝入去問conceirge有咩法國餐廳好介紹, 不過最終都失敗, 因為果位小姐問過幾間餐廳都唔開lunch time, 咁我地唯有認命地食番越南野啦! 幸好果位小姐介紹既餐廳都唔差, 算係完左我地“自由食”既心願啦~~
飲飽食醉之後, 我地呢次越南之旅亦到尾聲喇, 係機場同ming san 道別後, 大家開始係chk-in counter度攤哂d扎肉係地下黎坪執 o急喇! 而是日主角Janice小姐亦開始為佢果10條合共應該都有8,9kg既扎肉而煩惱, 因為…佢個 o急已經塞爆左喇 haha! 咁點算呢, 當然我地都愛莫能助啦, 佢唯有handcarry果10條扎肉兼且從此背負著“扎肉婆”、“走私扎肉的師奶”之名返香港 啦!
哈哈哈哈哈哈哈哈哈, sorry, 扎肉, 係度都要再恥笑一下你先~~~
